Almaty polısıasy qarjylyq «ınvestısıalyq» pıramıdanyń uıymdastyrýshysyn izdestirip jatyr, dep habarlaıdy Almaty-akshamy.kz QazAqparatqa silteme jasap.
«Qazaqstan Respýblıkasy Qylmystyq kodeksiniń 217-baby boıynsha (qarjylyq ınvestısıalyq pıramıdany quryp jáne oǵan basshylyq etti) degen kúdikpen 1985 jyly 10 maýsymda týǵan Oraz Ádilet Jumabaıulyn izdestirip jatyrmyz. İzdeýdegi adam týraly qandaı da bir málimet bolsa myna telefondarǵa habarlasýlaryńyzdy suraımyz: +7 777 953 51 11, +7 777 224 86 86 nemese 102», - dep jazdy Instagram -da Almaty polısıa departamenti bastyǵynyń tergeý jumystary jónindegi orynbasary Rýstam Ábdirahmanov.
Osydan bir aı buryn, Almatyda «Mudaraban Capital» kompanıasynyń basshysy qarjy pıramıdasyn uıymdastyrǵany úshin ustalǵan.