Bahtıar Bazarbekov jastarmen ózekti máselelerdi talqyǵa saldy
«İzgilik elshisi» eriktiler qozǵalysy qoǵam qaıratkeri, rejıser Bahtıar Bazarbekovpen kezdesti. Atalǵan shara «Almaty – adaldyq alańy» jobasynyń aıasynda ótti, dep habarlaıdy Almaty-akshamy.kz.
Oǵan onlaın formatta 150-den astam eriktiler men jastar uıymdarynyń ókilderi qatysty. Kezdesý barysynda sybaılas jemqorlyqqa qarsy mádenıet máseleleri jáne onyń bizdiń qoǵam úshin qanshalyqty mańyzy bar ekendigi talqylandy. Spıker sybaılas jemqorlyqqa jalpy qoǵam tarapynan tózbeýdiń jaǵdaıyn jasaý, shynaıylyq prınsıpterin uǵyndyrý, adaldyq, baýyrmaldyqqa, otansúıgishtikke tárbıeleý taqyryptaryn qozǵady.
Sondaı-aq, rejıser shyǵarmashylyq jáne jemqorlyqqa qatysty óziniń oıyn aıtty. Jastar tárbıesine mán berýdiń mańyzdylyǵyna toqtaldy, óıtkeni, onyń aıtýynsha, elimizdiń bolashaǵy jastardyń qolynda.
Kezdesýde aldaǵy ýaqytqa arnalǵan josparlar da sóz boldy. Rejıser men volonterler arasyndaǵy birlesip jumys isteý máselesi de aıtyldy. Bul jıynǵa qatysqandar túrli áleýmettik beınerolıkter men basqa da jobalardy qurý úshin birlesip jumys atqarýǵa kelisti.