Asa aýyr aýrýlardy emdeýge arnalǵan preparattar «SQ-Farmasıa» qoımalaryna jóneltildi.
«Qaraǵandy farmasevtıkalyq kesheni» óndirgen bul preparattar myńdaǵan qazaqstandyqtardyń ómirin saqtap qalýǵa kómektesedi, dep habarlaıdy Almaty-akshamy.kz
«Qaraǵandy farmasevtıkalyq kesheni» JSHS ortalyq qoımasynan Qazaqstan azamattarynyń qajettilikteri úshin túrli aýyr aýrýlardy emdeýge arnalǵan asa mańyzdy dári-dármekter jóneltildi.
Áleýmettik mańyzy bar ımmýnobıologıalyq jáne bıofarmasevtıkalyq preparattar myńdaǵan qazaqstandyqtardyń ómirin saqtap qalýǵa kómektesedi.
«SQ-Farmasıa» dárilik zattardyń biryńǵaı dıstrıbútorynyń logıstıkalyq habtaryna QFK-da óndirilgen mynadaı preparattar jiberildi:
- «Tıgeraza», ıngalásıaǵa arnalǵan eritindi, 7 206 ampýla (1 201 qaptama). Bul mýkolıtıkalyq preparat, sıstıkalyq fıbrozda qoldanylady. Ol qaqyryqtyń tutqyrlyǵyn azaıtady, osylaısha ókpeniń jumysyn jaqsartady jáne juqpaly aýrýlardyń paıda bolý qaýpin azaıtady.
- «Bevasızýmab», ınfýzıa úshin eritindi daıyndaýǵa arnalǵan konsentrat, 25 mg/ml 4 ml., 200 qaptama mólsherinde. Bul antıtýmorlyq agent, ol «aqyldy» monoklonaldy antıdeneler dep atalady, olar qan tamyrlarynyń rak kletkalarynyń bıologıalyq belsendiligin iriktep baılanystyrady jáne beıtaraptaıdy.