Álemge áıgili ıtalıalyq tenor Andrea Bochellı Almatyǵa jasaǵan saparynan alǵan áserin bólisti, dep habarlaıdy Aqshamnews.kz tilshisi.
28 qazanda Almaty Arena-da ótken konsertine oraı qalaǵa kelgen óner juldyzy Instagram paraqshasyna fotosýretter jarıalady. Onda ánshi dástúrli qazaq shapanyn, ań terisi salynǵan jaǵaly kamzoldy kıip turǵanyn kórýge bolady.
Bochellıdiń alǵashqy jeke konserti
Andrea Bochellı - álemdegi eń tanymal opera tenorlarynyń biri, 66 jastaǵy ıtalıalyq ánshi ári kompozıtor. Ol 15-ten astam stýdıalyq álbom jazyp, klasıka men pop-mýzykany úılestirgen erekshe vokalymen tanylǵan.
Almatydaǵy konsert - onyń Qazaqstandaǵy alǵashqy jeke óner kórsetýi boldy. Zal toly kórermen artısi erekshe yqylaspen qarsy alyp, áleýmettik jelilerde tarıhı sátke kýá bolǵandaryn jazyp, áserlerin bólisti.