Ótkennen sabaq alyp, bolashaqqa jospar quryp, búginimizdi mazmundy da maǵynaly ótkizeıik. Prezıdent Q.J.Toqaevtyń naýryz aıyndaǵy kezekti Joldaýyn zor yqylaspen tyńdap, tereń túsinip qabyldaý kerektigin uǵyndym.
Erekshe Joldaý qoǵamdaǵy daǵdarysqa jaýaptylar, qańtar qasiretine kináliler jazasyz qalmaıtynyna, ádilettilik ústemdik quratynyna sendirdi. Elimizde túbegeıli jańarý, jańǵyrýǵa qaraı batyl qadam jasala bastaǵany baıqalady.
El táýelsizdiginiń baıandylyǵy jolynda qýatty memleket qurýdyń alǵysharttary jasalýda. Bizdiń saıası, ıdeologıalyq murattarymyz aıqyn bolýy kerek. Qazaqtyń ǵasyrlar boıy armandap, udaıy kúresip júrip qol jetkizgen Táýelsizdigin bárinen bıik qoıýymyz kerek. Ulttyq múdde men memleket múddesi birtutas ushtasyp, elimizdiń birligin nyǵaıtýǵa qyzmet etýi qajet.
Osy joldaǵy Memleket basshysy usynyp otyrǵan barlyq reformalyq ózgerister, jańartý men jańǵyrýlar kókeıge ábden qonady. Abaıdyń, Shákárimniń, Muhtardyń, Alash arystarynyń izi qalǵan, tarıhy tereń Semeı óńiriniń Abaı oblysy bolyp jańadan qurylýyn tarıhı ádilettiliktiń qalpyna kelýi dep qabyldadyq. Ulytaý oblysy men Jetisý oblysy da halyq qalaýynan shyǵyp otyr.
Bul Joldaý jan-dúnıemizge Naýryzdyń nury bolyp quıylǵandaı! Uzaǵynan súıindirsin!