Jyl saıyn 180 elden mıllıondaǵan adamdar bir saǵatqa shamdar men elektr qurylǵylaryn óshiredi.
Elordanyń kóptegen nysandary «Jer saǵaty» aksıasy aıasynda syrtqy sándik jaryqtandyrýdy óshiredi. Jer sharyndaǵy «Jer saǵaty» atty eń iri aksıa bıyl 26 naýryzda jergilikti ýaqyt boıynsha 19.30-20.30 aralyǵynda ótedi, dep habarlaıdy Almaty-akshamy.kz Elorda.info-ǵa silteme jasap.
Aksıanyń negizgi maqsaty – adamdardyń nazaryn Jer sharynyń resýrstaryna jaýapty jáne uqypty qaraýǵa aýdarý. Bul dúnıejúzilik jabaıy tabıǵat qorynyń (WWF) ǵalamdyq aksıasy jáne de bul tabıǵatqa uqypty qaraýdyń, planetamyzdyń shekteýli resýrstaryna qamqorlyq jasaýdyń sımvoly. Jyl saıyn 180 elden mıllıondaǵan adamdar bir saǵatqa shamdar men elektr qurylǵylaryn óshiredi.
Álemniń myńdaǵan sáýlet eskertkishteri aksıaǵa ún qosyp jaryqtandyrýdy óshiredi. Olardyń ishinde: Eıfel munarasy, Bıg Ben, Kolızeı bar.
Qazaqstan da «Jer saǵaty» aksıasyna qatysyp keledi. Eger buryn bul naýqandy tek iri qalalar qoldasa, al bıyl úshinshi jyl qatarynan elimizdiń barlyq óńirleri aksıaǵa qosylady.
Jergilikti ýaqyt boıynsha saǵat 20.30-da elordada nysandardyń syrtqy sándik jaryǵy óshiriledi.
Elorda turǵyndary men qonaqtaryn 26 naýryzda saǵat 19.30-dan bastap Mega silk way SOO-da ótetin oflaın is-sharaǵa qatysýǵa shaqyramyz.
Qatysýshylar úshin vıktorına uıymdastyrylady. Eń belsendi qatysýshylar «Stopmusor» áleýmettik jobasynyń arnaıy syılyqtaryna ıe bolady.