Жылдам өсіп келе жатқан мегаполис жағдайында құқықтық тәртіпті және қаланың төтенше жағдайларға дайындығын қамтамасыз ету ерекше маңызға ие.
Алматы қаласының әкімдігі мен «Алматы қаласын дамыту орталығы» АҚ «Алматы қаласын дамытудың 2025 жылға дейінгі жоспарының негізгі басымдықтары және 2030 жылға дейінгі орта мерзімді перспективалары» атты жобаны жалпы талқылауға ұсынды, деп хабарлайды Almaty-akshamy.kz
Осы мақсатта үш бастама іске асырылады.
Алматылықтардың қауіпсіздікке деген сенімі
Жолдағы қауіпсіздік
Төтенше жағдайларға (ТЖ) дайындығы
Алматы құқық бұзушылықтар саны бойынша ҚР-да 1-ші орында (10 мың тұрғынға шаққанда 192)
2025 жылға қарай қылмыстар санын 10 мың тұрғынға шаққанда 180-ге дейін, 2030 жылға қарай 150-ге дейін төмендету көзделіп отыр.
ТЖ-ға ден қою үшін инфрақұрылыммен қамтамасыз етілу деңгейі – 40%.
2025 жылға дейін Ақсай және Аюсай өзендерінің бассейндерінде сел ұстайтын бөгеттер салу.
Симуляциялық оқу-әдістемелік орталықтың құрылысын аяқтау, ТЖ қызметтерінің симуляциялары мен оқу жаттығуларын өткізу.
Мектептерде, университеттерде, еңбек ұжымдарында ТЖ кезінде іс-қимыл және эвакуациялау қағидаларын оқыту.
Қазіргі заманғы техниканы, өрттехникалық қару-жарақ пен жабдықты сатып алу, полиорталықтарда 3 өрт сөндіру депосын салу жоспарланып отыр.
2030 жылға дейін
28 сейсмостанция сала отырып, «Күшті жер сілкіністері туралы ерте хабарлау жүйесі» жобасын іске асыру;
Қазіргі заманғы техникамен, өрт-техникалық қару-жарақпен жете жабдықтау, сондай-ақ өрт деполарын салу;
Құтқарушылардың біліктілігін арттыру үшін жабық спорт кешенін салу;
ТЖ кезінде адами және материалдық шығындардың алдын алу үшін біріктірілген хабарлау жүйелерін енгізу және дамыту;
ТЖ кезінде өзін-өзі ұстау ережелері туралы халықтың хабардар болу деңгейін 2025 жылға қарай 60%-ке дейін, 2030 жылға қарай 80%-ке дейін арттыру көзделген.
Алматының болашағына бейжай қарамаңыз. Қауіпсіздікке қатысты өз пікіріңізді 1 шілдеге дейін төмендегі сілтеме арқылы «Алматы қаласын дамыту орталығы» АҚ сайтында қалдырыңыз.