Халықаралық студенттер күніне орай Алматы қаласында «Almaty Students Week» апталығы және «Jas Gala» жобасы аясында «Ең үздік студенттік топ – 2025» қалалық байқауы өтті.
Шараны Алматы қаласы Жастар саясаты басқармасының қолдауымен Алматы студенттер Альянсы ұйымдастырды.
Байқаудың мақсаты – студенттердің тұлғалық дамуын қолдау, азаматтық белсенділігін арттыру, ұжымдық жауапкершілік пен шығармашылық орта қалыптастыру.
Жарысқа қаладағы 10 жоғары оқу орнынан үздік деп танылған 10 студенттік топ қатысып, екі кезең бойынша бақ сынады:бірінші кезең – ЖОО таныстыру, жобалық жұмыс, әлеуметтік белсенділік, креатив;
екінші кезең – өнер көрсету, интеллектуалдық және шығармашылық тапсырмалар.
Алматы студенттер Альянсының төрағасы Айболат Нығметжанұлы қатысушыларға сәттілік тілеп, жастардың бірлігі мен белсенділігінің маңызын атап өтті.
Байқау нәтижесі бойынша:
Жалпы жүлде қоры – 1 000 000 теңге.
I орын (500 000 тг):
«Шырақ» – Қазақ ұлттық қыздар педагогикалық университеті
«AHEU жастары» – Алматы гуманитарлық экономикалық университеті
II орын (300 000 тг):
«Шабыт» – Нұр-Мүбарак университеті
«Smart generation» – Нархоз университеті
III орын (200 000 тг):
«QGNT» – Абай атындағы ҚазҰПУ
«Farabi НСО» – әл-Фараби атындағы ҚазҰУ
Шара концерттік бағдарламамен және жеңімпаздарды марапаттау рәсімімен аяқталды. Топтар алғыс хаттар мен қаржылай сертификаттарға ие болды.