Қазақстан Республикасының ұлттық валютасы – Теңге күніне орай 13 қараша күні Алматы көпсалалы колледжінде Алматы қаласы мемлекеттік колледж студенттері арасында «Теңге – тәуелсіздік және тұрақтылық белгісі!» тақырыбында қалалық сурет байқауы өткізілді.
Байқаудың басты мақсаты – студенттердің шығармашылық қабілеттерін анықтау, ұлттық құндылықтарға құрмет сезімін арттыру және ұлттық валютамыз – теңгенің маңыздылығын жастар санасында нығайту.
Қалалық Алматы қаласы Білім басқармасының қолдауымен,
Қалалық Білім Берудегі Жаңа Технологиялардың Ғылыми-Әдістемелік орталығы және Алматы көпсалалы колледжі ұйымдастырды.
Байқауға қаламыздың мемлекеттік колледждерінің 16–17 жастағы студенттері қатысып, шығармашылық еңбектерінде еліміздің экономикалық тәуелсіздігі мен ұлттық рәміз ретіндегі теңгенің тұрақтылығын көркем бейнелеп көрсетті.
Студенттердің жұмысын әділ қазылар алқасы жоғары бағалап, ерекше көзге түскен қатысушыларға алғыс хаттар мен сертификаттар сыйлықтар табыстады.
• Алматы қаласы Білім басқармасынан қалалық білім берудегі жаңа технологиялардың ғылыми-әдістемелік орталығының әдіскері Жұмағұлова Гүлхан Әлімханқызы
• Асылбек Әлібек – «Art Kids» өнер мектебінің көркем сурет жетекшісі;
• Белгожаев Акжол Нуртилеуович – Мемлекеттік қуыршақ театрының қызметкері.
Іс-шара жас суретшілерге өз қабілеттерін шыңдауға, ұлттық құндылықтарды ұлықтауға және тәуелсіз еліміздің символына айналған теңгенің мәнін терең түсінуге зор мүмкіндік берді.