Алматы қаласының Энергетика және су жабдықтау басқармасы Таулы Қырат шағынауданында су құбыры желілері мен сорғы станциясын қайта жаңарту жобасы аясында жүргізіліп жатқан құрылыс-монтаж жұмыстары туралы хабарлайды.
Қажетті жұмысты орындауға байланысты әл-Фараби даңғылының Марков көшесімен қиылысының бөлігінде бір жолақ уақытша жабылады. 2025 жылы 15 қараша сағат 21:00-ден 16 қараша сағат 12:00-ге дейін аумақта көлік қозғалысы шектеледі, - деп хабарлайды Aqshamnews.kz.
Бұл шара уақытша сипатқа ие және құрылыс-монтаж жұмыстарының қауіпсіз әрі тоқтаусыз жүргізілуін қамтамасыз етуге бағытталған.
Қала тұрғындары мен жүргізушілерге бағытын жоспарлау кезінде өзгерістерді алдын ала ескеруін өтінеміз. Уақытша қолайсыздық үшін кешірім сұраймыз.
Көлік қозғалысын шектеу жөнінде соңғы жаңалықты Almaty.kz сайтынан, @AlmatyJoly Telegram-арнасынан, аудан әкімдіктері мен салалық басқармалардың әлеуметтік желілерінен, сондай-ақ 2GIS пен Яндекс Карталар сервистерінен оқуға болады.