Әлем чемпионатына іріктеудің соңғы турында Қазақстан құрамасы Еуропаның мықты ұжымдарының бірі - Бельгиямен кездесті, - деп хабарлайды aqshamnews.kz тілшісі.
Матч 15 қарашада Астана уақытымен 19:00-де өтті. Стадионға 28 012 жанкүйер келіп тамашалады.
Ойынның басы ұлттық құраманың жанкүйерлерін қуантты. Қазақстан сапындағы Дастан Сатпаев небәрі 9-минутта дәл соққымен есеп ашып, командаға тамаша бастама сыйлады. Ерте голдан кейін қазақстандықтар қорғанысты жинақы ұстап, қарсы шабуыл арқылы қауіп төндіріп отырды.
Десе де, екінші таймда Бельгия қысымды күшейтті. 48-минутта бельгиялық ойыншы Ванакен біздің қақпаға дәл соққы бағыттап, есепті теңестірді. Осы сәттен кейін екі команда да шабуылда белсенділік танытқанымен, матчтің тағдырын өзгертер гол соғылған жоқ.
Қиын сәт: 77 минутта ұлттық құраманың ойыншысы Ислам Чесноковтың тікелей қызыл қағаз алды. Бұдан кейін Қазақстан ойынды 10 ойыншымен жалғастыруға мәжбүр болды. Соған қарамастан, команда аяғына дейін берілмей, қорғаныста тәртіп сақтап, нәтижені ұстап қалды.
Қорытынды есеп - 1:1.