Суретті салған - Ғалым СМАҒҰЛ
Шарап пен арақ – у,
Балта мен ара – ем!
***
Қызығып тұрасың,
Күндердің күнінде
Бұзылып тынасың.
***
Қорыққанға қос көрінсе,
Ішкенге қос-қостан көрінеді.
***
Қасірет-қайғыңды ішімдік тұншықтырады.
Тұншықтырмайды, ушықтырады.
***
Ішетін – ауыз,
Ауыратын – бас.
***
Қайла – тасқа,
Арақ – басқа шабады.
***
Мастың сөзінде жүйе болмайды,
Аузына ие болмайды.
***
Ақылды адам ішкенде есінен айырылады.
Ақылсыз адам ішкенде несінен айырылады?!
***
Арақ арандатады,
Маскүнем арам қатады.
***
Мереке келсе,
Береке кетеді.
***
Қаскүнемнен маскүнем дұрыс.
***
Мас адамға бәрібір:
Ол жолда жатқан жолбарысты
басынан аттап жүре береді.
***
Маскүнем табытқа түспей,
Жүре алмайды ішпей.
***
Ақыл-ойың асып-тасса арақ іш,
Ақыл түгіл, ғайып болады қара күш!
Арақ ішсең, ақылың шайқалады.
Ақымақтықтың нышаны байқалады.
***
Әзірейілді жұмыстан қуса,
Оның орнын арақ басады.
***
Рактың емі – сою,
Арақтың емі – қою.
***
Маскүнем ішкеннен ауырады,
Ішпесе – өліп қала жаздайды.
***
Шарап шайтанның да түбіне жетеді.
***
Маскүнем бірнеше бағытта
Жан-жаққа тартып бара жатады.
***
Арақ-шарап – болашақ түрме тұрғындары.
Дайындайтын аждақа мектебі.
***
Маскүнем – төрт тоқсанның бір күнін аттап өтпей,
Қатарынан ішетін ұқыпты ауру.
***
Маскүнем – өзін үйреткен ұстазын да
орта жолда қалдырап кеткен қабілетті ішкіш.
***
Кейбір сөзіне берік маскүнем, бір емес,
Бірнеше сағат бойына ішпей жүре алады.
***
Ішу үшін үш адам көптік,
Екі адам аздық қылады.
***
Бәріне бірдей бойың жетпейді,
Балтырынан құшақтауға бағана жақсы.
***
Қаптаған қалың маскүнемнің ішінде
Жалғыздан жалғыз сау жүру де қасірет.
***
Ішу – басында хобби болады да,
Бара-бара мамандыққа айналады.
***
Мас аяғынан басып тұра алмайды.
Оған отырып ішкен дұрыс.
***
Ертеден кешке дейін
Мен оған «Ішпе!» деймін,
Ол араққа тоймайды бөшкедейін.
***
Жарлының жалғыз-ақ бай сәті болады.
Ол – оның ішкен кезі.
***
Арақ ішпеуден арақ ішудің себебі көптеу.