Он бірінші бөлім «Қорытынды және өтпелі ережелерге» арналған.
Онда жаңа Конституцияны қолданысқа енгізу мерзімдері – 2026 жылғы 1 шілде, қолданыстағы Парламенттің өкілеттігін тоқтату мерзімдері (2026 жылғы 1 шілде), Құрылтай сайлауын өткізу тәртібі мен мерзімдері (жаңа Конституция күшіне енген сәттен бастап 2 ай ішінде), Құрылтаймен тағайындалатын немесе келісілген Вице-президентті, Конституциялық соттың төрағасын және судьяларын, ОСК төрағасы мен мүшелерін және мемлекеттік органдардың басқа да басшыларын тағайындау мерзімдері айқындалған.
Үкіметтің, орталық және жергілікті мемлекеттік органдардың нормативтік құқықтық актілерді жаңа Конституцияға сәйкес келтіру үшін қажетті шаралар қабылдау міндеті көзделген.
Бұдан басқа, Конституциялық Кеңестің және Конституциялық соттың Қазақстан Республикасының Конституциясы күшіне енген кезде қолданылып жүрген Қазақстан Республикасының заңнамасына сәйкес қабылданған нормативтік қаулылары Конституцияға қайшы келмейтін бөлігінде өзінің заңдық күшін сақтайтыны көрсетілген.