Жедел жәрдем бригадасы 54 жастағы әйелді Алматы қаласының № 7 қалалық клиникалық ауруханасына инсультқа күдікпен жаңа жылдың алғашқы күндері жеткізді. Әйелдің сол аяқ-қолдардың әлсіздігі, сөйлеу қызметінің бұзылуы, қан қысымының кенеттен көтерілуіне шағымдары болды.
Пациентті кезекші невролог дәрігер, реаниматолог және қан тамырлары нейрохирургі тексеріп-қарау кезінде қан тамырларының бұзылуына күдіктенді. Бірақ, бас миына жасалған КТ патологиялық өзгерістер көрсеткен жоқ, ЭКГ - елеулі ауытқулар анықталған жоқ, сонда да клиникалық белгілерді ескере отырып, одан әрі тромбоэкстракциялау арқылы миға сұрыптамалық ангиография жасауға шешім қабылдайды.
Ми –тамырлық ауруы диагнозы қойылды. Оң орта ми артериясы бассейніндегі ишемиялық инсульт, (атеротромботикалық кіші түрі) бойынша ми қан айналымының жіті бұзылуы. Сәтті тромбэкстракциядан кейін, пациент тромбоздың алдын алу, қан қысымын тұрақтандыру және гемодинамика үшін жіті бақылау және қарқынды терапия үшін реанимация бөлімшесіне ауыстырылды. Дұрыс жасалған диагностика мен сәтті жүргізілген емнің нәтижесінде неврологиялық симптоматика бәсеңдеді.
Уақытылы диагностика мен емдеудің, ангиография, тромбэкстракция сияқты заманауи тексеру әдістерін қолданудың арқасында дәрігерлер пациенттің денсаулығына және өміріне қауіп төндіретін жағдайлардың алдын алуға қол жеткізді. Келесі күні пациенттің жүйке жүйесінің қызметі қалпына келіп, жай-күйі айтарлықтай жақсарғаны байқалды.
«Бұл клиникалық жағдай ми қан айналымының өткінші бұзылулары кезінде жедел диагностика мен терапияның өте маңыздылығын көрсетеді. Одан әрі емдеу көрсеткіштері бұлшық ет күшінің 5 балға дейін толық қалпына келіп, оң өзгеріс байқалды. Сөйлеу қызметі толық қалпына келді. Қан айналымы тұрақтанды. Одан әрі аурудың алдын алу үшін гипотензивті терапия таңдалды»,- деді № 2 инсульт бөлімшесінің невролог-инсультолог дәрігер Ақжол Арипхан.
Пациент мекенжайы бойынша амбулаториялық емдеуге жіберілді, неврологиялық аурулардың белгілері толығымен қайтты.
Пациент «Жетінші» аурухананың дәрігерлеріне жоғары деңгейде медициналық көмек көрсеткені үшін алғысын білдірді: «Біздің қазақстандық медицина заманмен қатар дамып келе жатқаны қуантады және ауруханаларда медициналық көмек көрсету үшін клиникада қажетті заманауи медициналық жабдықтар бар, әрине, бұл өз ісінің шеберлері білікті дәрігерлер мен мейірбикелердің және ісіне адал санитарлардың еңбегінің нәтижесі».
Инсультолог-дәрігер әлсіздік, беттің ассиметриясының бұзылуы, түсініксіз сөйлеу немесе қан қысымының кенеттен көтерілуі сияқты неврологиялық бұзылулардың алғашқы белгілері пайда болған кезнде дереу медициналық көмекке жүгіну қажеттігін атап өтті.