Абаттандыру нәтижесінде Баум тоғайында жасыл желек көлемі ұлғаяды
Алматыда Баум тоғайының аумағын абаттандыру жобасы жүзеге асырылып жатыр, - деп хабарлайды Aqshamnews.kz.
Негізгі мақсат - ерекше экожүйе ретінде қалыптасқан бұл тоғайдың табиғи келбетін барынша сақтай отырып, қала тұрғындары үшін жайлы демалыс аймағын қалыптастыру және жасыл қорды сақтау мен күшейту.
Қазақ ұлттық аграрлық университеті мен ҚР Ауылшаруашылығы министрлігінің Орман ғылыми-инновациялық институты жүргізген түгендеу нәтижелеріне сәйкес, тоғай аумағында 104 мыңнан астам ағаш бар. Оның ішінде 55%-ы – сау, 23%-ы – әлсіреген, 12%-ы – әлсіз күйде, 8%-ы – қурай бастаған, ал қурап кеткен және апатты жағдайдағы ағаштар – шамамен 1%. Жалпы алғанда, апатты және ауру ағаштардың үлесі 9%-дан асады.
Осыған байланысты тоғайда санитарлық тазарту және ағаштарға күтім жасау жұмыстары жүргізілуде. Қураған және ауру ағаштарды кесу тек іріктеп, экожүйені сау күйінде сақтау, аурулардың таралуына жол бермеу және орнықты жасыл қор қалыптастыру мақсатында жүзеге асырылады. Баум тоғайында жасыл желек көлемі ұлғаяды.
Алматыда Керісінше, 2026 жылы мыңнан астам жаңа ағаш отырғызу жоспарланып отыр. Бұл табиғи шығынның орнын толтырып қана қоймай, жалпы жасыл алқаптың көлемін арттыруға мүмкіндік береді.
Алматыда Баум тоғайының аумағын абаттандыру жобасы жүзеге асырылып жатыр. Жобаны іске асыру мерзімі - 2025 жылдың қыркүйегінен 2026 жылдың мамырына дейін.
Абаттандыру барысын бақылауды Алматы қаласының «Қоғамдық кеңістіктерді дамыту басқармасы» коммуналдық мемлекеттік мекемесі, сондай-ақ авторлық және техникалық қадағалау жүзеге асырады. Жұмыс экологиялық нормаларды қатаң сақтай отырып жүргізіледі – нысанның экологиялық қауіпсіздігі мамандардың тұрақты бақылауында.
Дайындық жұмыстары барысында кейбір ағаштардың қабығы зақымданғаны тіркелген. Алайда бұл жағдайлар қайтымды сипатта және тоғайдың экожүйесіне қауіп төндірмейді. Зақымданған жерлер дер кезінде дәріленіп, арнайы қорғау құралдарымен қалпына келтірілуде.
Абаттандыру кезінде экологиялық таза материалдар пайдаланылады, цемент пен бетон бұйымдары қолданылмайды. Жоба аясында табиғи гравийліжабын төселіп, халықаралық стандарттарға сайэкологиялық жүргіншілер жолдары салынады. Сондай-ақ, энергия үнемдейтін жарықтандыру шамдары, полиция пункті мен бейнебақылау орнатылып, тұрғындардың қауіпсіздігі қамтамасыз етіледі.
Жоба ашық диалог негізінде жүзеге асырылуда. Көпшілік тұрғындар жүргізіліп жатқан жұмыстарды қолдайды. Сонымен қатар, экологиялық ұйымдар мен белсенді азаматтармен бірнеше рет кездесу өткізіліп, олардың ұсынысымен пікірі егжей-тегжейлі қарастырылды.
Бұдан бөлек, қала тұрғындары арасынан құрылған бастамашыл топ Баум тоғайындағы абаттандыру барысын апталық негізде бақылап отырады. Мұндай ынтымақтастық форматы жұмыстың ашықтығын қамтамасыз етіп, жобаны жүзеге асыру барысында қала тұрғындарының пікірін ескеруге мүмкіндік береді.