Қазақстандық Максим Сажнев жасөспірімдер арасындағы Азия ойындарында алтын медаль жеңіп алды, деп хабарлайды Aqshamnews.kz.
Бахрейн астанасы Манамада өтіп жатқан жасөспірімдер Азия ойындарында қазақстандық жеңіл атлет Максим Сажнев диск лақтыру сайысында 63,23 метр нәтижемен топ жарды. Бұл көрсеткіш – жасөспірімдер Азиадасының жаңа рекорды. Бұған дейінгі үздік нәтиже 62,03 метр болған.
Күміс жүлдені Қытай спортшысы Цзянес Куньчуань (62,40 м), қола медальды Иран өкілі Реза Самимишаламзари (53,86 м) иеленді.
Бұл – Қазақстан құрамасының Манамадағы сегізінші алтын медалі. Бұған дейін алтынды ел қоржынына велоспортшылар, таеквондошы Айым Серікбаева мен Евгений Васенкин, ММА шеберлері Амелина Бакиева мен Санжар Қартай, муай-тайдан Альбина Жұминова және велоспортшы Әнель Ташбай салған болатын.