Астанада газоблок шығаратын цехта ірі өрт болды, деп хабарлайды Aqshamnews.kz.
Төтенше жағдайлар министрлігінің мәліметінше, дүйсенбі күні қаладағы Ақсай көшесінде орналасқан өндіріс орнында өрт шыққан. Тілсіз жау 500 шаршы метр аумақты шарпыған.
«Анықталған деректер бойынша газоблок өндіретін цехтың шатыры жанған. Өрт толықтай сөндірілді», – делінген министрліктің хабарламасында.
Өрт Байқоңыр ауданында жоғары дәрежелі шақырту бойынша сөндірілді. Оқиға орнында жедел штаб құрылып, төрт жауынгерлік бөлімше жұмыс істеді.