Түркияның батысында жер сілкінісі болды, деп хабарлайды Aqshamnews.kz.
Жер сілкінісі жексенбі күні кешке тіркелді. Сілкініс толқындары жергілікті уақытпен 19:44 шамасында Стамбұлдың батыс бөлігінде 20–30 секундқа дейін сезілген. Кей үйлерде шамдар тербеліп, әйнектер сілкінгенімен, тұрғындар арасында паника болмаған.
Смартфон қосымшалары жер сілкінісі басталмай тұрып бірнеше секунд бұрын ескерту жасаған.
Табиғи апаттардың салдарын жою басқармасының (AFAD) мәліметінше, жерасты дүмпулері 3,7 магнитудамен тіркелген. Эпицентрі Қара теңізде, Стамбұл әуежайының маңында орналасқан. Жерасты ошағы 13 шақырым тереңдікте болған.
Кандилли обсерваториясының сейсмологтары магнитуданы 3,9 балл деп бағалады.