كەلگەن ۆاكسينا ق ر دسم سەبك-نىڭ رۇقساتتاماسىنا سايكەس جەدەل تۇردە ەلىمىزدىڭ وڭىرلەرىنە جىبەرىلدى
الماتىعا Pfizer (Comirnaty) كومپانياسى شىعارعان COVID-19-عا قارسى ۆاكسينانىڭ كەزەكتى پارتياسى كەلدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
جۇك قۇرامىنا 266 760 دوزا كىردى. Pfizer كومپانياسىمەن جۇرگىزىلگەن كەلىسسوزدەردىڭ قورىتىندىسى بويىنشا ءبىرىڭعاي ديستريبيۋتور بارلىعى 4 ملن 230 مىڭ دوزا ساتىپ الدى.
قابىنۋعا قارسى پرەپاراتتى امەريكاندىق Pfizer كومپانياسى جانە گەرمانيانىڭ BioNTech تەحنولوگيالىق كومپانياسى شىعارعان. Comirnaty Pfizer/BioNTech ۆاكسيناسىن ددۇ-ى شۇعىل پايدالانۋعا رۇقسات ەتىلگەن.
كەلگەن ۆاكسينا ق ر دسم سەبك-نىڭ رۇقساتتاماسىنا سايكەس جەدەل تۇردە ەلىمىزدىڭ وڭىرلەرىنە جىبەرىلدى.
Comirnaty ۆاكسيناسىن جەتكىزۋ تىكەلەي وبلىستىق دەنساۋلىق ساقتاۋ باسقارمالارىنىڭ قويمالارىنا جۇزەگە اسىرىلادى. ۆاكسينالاردى تاسىمالداۋ «سۋىق تىزبەك» قاعيداتى بويىنشا جۇرگىزىلەدى — ءاربىر كەزەڭدە تەمپەراتۋرالىق رەجيمدى قاتاڭ ساقتاۋ قامتاماسىز ەتىلەدى. سونىمەن قاتار، ءار دەڭگەيدە ءوزىنىڭ جاۋاپتى ۇيىمى جانە جاۋاپتى تۇلعالارى بار.
ۆاكسينا لوگيستيكاسىنىڭ وپەراتورى - Comirnaty ۆاكسيناسىن تاسىمالداۋعا مامانداندىرىلعان Pfizer كومپانياسىنىڭ سەرىكتەسى بولىپ تابىلاتىن UPS حالىقارالىق لوگيستيكالىق كومپانياسى. UPS كومپانياسى ۆاكسينالاردى ۋلترا تومەن تەمپەراتۋرالىق رەجيمدى قولدايتىن «Pfizer» كومپانياسىنىڭ «Softbox» ارنايى تاسىمالداۋ كونتەينەرلەرىندە تاسىمالدايدى. Pfizer ءتيىمدى تاسىمالداۋ، ساقتاۋ جانە تەمپەراتۋرانى باقىلاۋ ءۇشىن تولىق لوگيستيكالىق جوسپارلار مەن قۇرالداردى جاسادى.
سۋىق تىزبەكتى ساقتاي وتىرىپ، ۆاكسينانى ساقتاۋ جانە تاسىمالداۋ تۋرالى ناقتى نۇسقاۋلار بار. ۆاكسينانى ساقتاۋ جونىندەگى نۇسقاۋلاردى ناقتى ورىنداۋ جانە جاعىمسىز سالداردىڭ الدىن الۋ ءۇشىن Comirnaty ۆاكسيناسىن جەتكىزۋگە جانە قولدانۋعا دايىندىق شارالارى جۇرگىزىلدى.
ەلىمىزدىڭ باس سانيتارلىق دارىگەرى حالىقتى كوروناۆيرۋستىق ينفەكسياعا قارسى Comirnaty ۆاكسيناسىمەن ۆاكسيناسيالاۋ بويىنشا ادىستەمەلىك ۇسىنىمداردى بەكىتتى. Comirnaty پرەپاراتىمەن ۆاكسيناسيا جۇرگىزىلەتىن بارلىق مەديسينالىق ۇيىمدار دايىندىق جۇرگىزدى. ءوندىرۋشى ۇسىنعان سۋىق تىزبەككە قويىلاتىن تالاپتارعا سايكەس ۋلترا تومەن تەمپەراتۋرا -60 -90 سو رەجيمىندە ساقتاۋعا ارنالعان مۇزداتقىش جابدىقتار ساتىپ الىندى. سونداي-اق ۆاكسينانى ەنگىزۋ جانە سۇيىلتۋ ءۇشىن قاجەتتى شپريستەر قورى ساتىپ الىندى.
Pfizer كومپانياسى ۆاكسيناسياعا قاتىساتىن ءتيىستى قىزمەتكەرلەردى ۆاكسينامەن دۇرىس، ءقاۋىپسىز جانە ءتيىمدى جۇمىس ىستەۋگە جانە ونى قولدانۋعا ۇيرەتتى. Pfizer فارماسيەۆتيكالىق كومپانياسىنىڭ قازاقستانداعى وكىلدىگى Comirnaty ۆاكسيناسى تۋرالى قازاق جانە ورىس تىلدەرىندەگى مامانداندىرىلعان نۇسقاۋلىق-سايت ىسكە قوستى. سايتتا ۆاكسينا، ونى قولدانۋ جانە ساقتاۋ ادىستەرى، كلينيكالىق زەرتتەۋلەردىڭ ناتيجەلەرى تۋرالى بارلىق اقپارات بار.
ءبىرىڭعاي ديستريبيۋتور «سك-فارماسيا» ءجشس-ى ءۇشىن ءدارى – دارمەكتەردى ساتىپ الۋ جانە ديستريبيۋسيالاۋ كەزىندە باسىمدىق بۇل - ساپاسى مەن قاۋىپسىزدىگى، سونداي-اق ۆاكسينالاردى ساقتاۋ جانە تاسىمالداۋ كەزىندە تەمپەراتۋرالىق رەجيمدى ساقتاۋ.