لوتوس گۇلدەدى

الماتىدا شىلدە ايىنىڭ سوڭى مەن تامىزدىڭ ورتاسى –  لوتوستىڭ گۇل اشاتىن ۋاقىتى. 

بۇل سۇلۋلىقتى پەرۆوماي توعانىنان كورۋگە بولادى. ءقازىر قالالىقتار وسى كەرەمەت كورىنىستى تاماشالاپ، گۇلدەردىڭ اراسىندا سۋرەتكە ءتۇسۋ ءۇشىن ارنايى اعىلىپ بارىپ جاتىر. بۇل جەر الماتىلىقتارعا الەۋمەتتىك جەلىلەر ارقىلى 2019 جىلى بەلگىلى بولدى.

تۇرعىنداردىڭ ايتۋىنشا، قاسيەتتى گۇل مۇندا وتكەن عاسىردىڭ 60-شى جىلدارىنىڭ سوڭىندا پايدا بولدى، كەيىنىرەك ول تەز وسە باستاعان. جالپى، لوتوس گ ۇلى تازالىقتىڭ بەلگىسى بولىپ ەسەپتەلەدى. ونىڭ بۇرشىكتەرى كۇننىڭ العاشقى ساۋلەلەرىمەن اشىلادى. الدىمەن جاپىراقتارى اشىق قىزعىلت ءتۇستى بولادى دا بىرتىندەپ قىزىلعا اينالادى. ىمىرتتىڭ باستالۋىمەن ولار تاڭەرتەڭ قايتادان گۇلدەنۋ ءۇشىن سۋ استىنا جاسىرىنادى. اۋماققا كىرۋ 2 مىڭ تەڭگە تۇرادى. جاعالاۋدا جالعا بەرىلەتىن ارنايى كۇركەلەر بار. ال تاڭعى 5-تە كەلگەندەرگە بار سۇلۋلىقتى تەگىن تاماشالاۋعا بولادى.

قالادان اۆتوكولىكپەن جارتى ساعاتتا جەتۋگە بولادى. پەرۆومايسكيي توعاندارى الماتى وبلىسىنىڭ ىلە اۋدانىندا، سولتۇستىك اينالما جولىنان 17،5 شاقىرىم جەردە ورنالاسقان. ال قوعامدىق كولىكپەن بارساڭىز، «پەرۆومايسكيە پرۋدى» ايالداماسىنان كەيىن شامامەن 20 مينۋت جاياۋ جۇرەسىز.