وزگەرىستەر كونستيتۋسيانىڭ 33 بابىنا اسەر ەتەدى
مەملەكەت باسشىسىنىڭ كونستيتۋسياعا وزگەرتۋلەر ەنگىزۋ تۋرالى ۇسىنىسىن قازاقستان حالقى اسسامبلەياسى كەڭەسىنىڭ مۇشەسى ماكسيم سپوتكاي قولدادى، دەپ حابارلايدى Almaty-akshamy.kz Vecher.kz-گە سىلتەمە جاساپ.
پرەزيدەنت بۇل ماڭىزدى ماسەلەنى جالپىحالىقتىق رەفەرەندۋم ارقىلى شەشۋدى ۇسىنىپ وتىر.
سپيكەردىڭ ايتۋىنشا، كونستيتۋسياعا وزگەرىستەر مەن تولىقتىرۋلار ەنگىزۋ بويىنشا جالپىحالىقتىق رەفەرەندۋم وتكىزۋ ەلىمىزدە جۇرگىزىلىپ جاتقان ساياسي رەفورمالاردىڭ ماڭىزى مەن اۋقىمدى ەكەنىن تاعى ءبىر مارتە كورسەتەدى.
«ءبىز 1995 جىلى كونستيتۋسيا قابىلدانعاننان بەرگى 27 جىلدا العاش رەت وتكىزەلى وتىرمىز. كونستيتۋسيالىق رەفورما ءبىر باپقا ەمەس، بۇكىل نەگىزگى زاڭنىڭ ۇشتەن بىرىنە قاتىستى وزگەرىستەردى قاراستىرادى. سوندىقتان وزگەرىستەر مەن تولىقتىرۋلاردى جالپىحالىقتىق رەفەرەندۋم ارقىلى جۇزەگە اسىرۋ تولىق اقتالدى،-دەيدى ماكسيم سپوتكاي.