ەندى اتا زاڭعا وزگەرىستەر ەنگىزىلگەندە پارلامەنت بەكىتە سالمايدى
مەملەكەت باسشىسى قاسىم-جومارت توقايەۆ قازاقستان حالقى اسسامبلەياسىنىڭ سەسسياسىندا كونستيتۋسياعا وزگەرىستەر ەنگىزۋ جونىندە رەفەرەندۋم وتكىزۋدى ۇسىندى. بۇل وتە قۇپتارلىق جاعداي. ويتكەنى، رەفەرەندۋم ءار ازاماتقا ەل تاعدىرىن شەشۋگە تىكەلەي قاتىسۋعا مۇمكىندىك بەرەدى.
ماسەلەن شۆەساريادا قانداي دا ءبىر زاڭ قابىلدانباسىن، باسىم كوپشىلىگى حالىقتىڭ قالاۋىمەن، كوپتىڭ تىلەۋىمەن شەشىلەدى ەكەن. جەرگىلىكتى حالىق زاڭدار مەن كونستيتۋسياعا قاتىستى تۇزەتۋلەرگە دە تىكەلەي ارالاسا الادى. ال بىزدە شە؟ بىزدە وسى ۋاقىتقا دەيىن اتا زاڭدى پارلامەنت، دەپۋتاتتار «ءبىر اۋىزدان» ماقۇلداپ وزگەرتە سالاتىن ەدى. حالىقتىڭ پىكىرىمەن ەشكىم ساناسقان جوق. ەندى مەملەكەت باسشىسى بۇلاي جالعاسا بەرۋگە بولمايتىنىن ايتىپ وتىر. اتا زاڭعا ەنگىزىلەتىن وزگەرىستەر حالىق تاڭداۋىمەن جۇزەگە اساتىن بولدى. بۇل وتە دۇرىس شەشىم. سەبەبى، مەملەكەت تاعدىرىن بيلىكتەگى جەكەلەگەن ازاماتتار ەمەس، تۇتاس حالىقتىڭ ءوزى شەشۋى كەرەك. سوندا عانا جاڭا قازاقستاندى قۇرا الاتىن بولامىز.
ءبىر قۋانارلىعى، ەندى اتا زاڭعا وزگەرىستەر ەنگىزىلگەندە پارلامەنت بەكىتە سالمايدى، حالىقپەن ساناسادى، رەفەرەندۋم قورىتىندىسىمەن جۇزەگە اسادى. بۇل ءادىل قازاقستان قۇرۋدىڭ كەپىلى بولاتىنى ءسوزسىز. حالىقتىڭ ءۇنى، پىكىرى ەسكەرىلگەن كەزدە قوعامدا ادىلدىك ورنايدى. سوندىقتان بۇل وزگەرىستەر ەل بولاشاعىنا ايرىقشا اسەر ەتەدى.