بوستاندىق اۋدانىندا جول-كولىك ينفراقۇرىلىمىن دامىتۋ جۇمىستارى جالعاسىپ جاتىر. جولدىڭ ساپاسىن ارتتىرىپ، تروتۋار سالۋ مەن مۇمكىندىگى شەكتەۋلى ازاماتتار ءۇشىن كەدەرگىسىز ورتا قۇرۋ اۋدان اكىمدىگىنىڭ باسىم باعىتىنىڭ ءبىرى بولىپ وتىر. 2024–2025 جىلدارى وسى ماقساتقا 5 ملرد تەڭگەدەن استام قارجى ءبولىنىپ، ونداعان كوشەدە ۇلكەن وزگەرىس باستالعان. وڭىرلىك كوممۋنيكاسيالار قىزمەتىندە بوستاندىق اۋدانىنىڭ اكىمى سانجار ءالين بۇل جۇمىستى قالاي اتقارىپ جاتقاندارىن ايتىپ بەردى.
وتكەن جىلى اۋداندا 1،3 ملرد تەڭگەگە 33 كوشەدەگى 30،5 شاقىرىم جولعا ورتاشا جوندەۋ جۇمىسى جۇرگىزىلىپتى. 2025 جىلى جوندەۋ باعدارلاماسى جالعاسادى: 19 كوشەدە 27،5 شاقىرىمداي جول جامىلعىسىن جاڭارتۋ جوسپارلانعان. بۇل ماقساتقا 3 ملرد تەڭگە ءبولىندى. ورتاشا جوندەۋدەن بولەك، بيىل ادەتكى جول جوندەۋ جۇمىستارى دا قاتار جۇرگىزىلىپ، 30 مىڭ شارشى مەتر اسفالت جامىلعىسى قالپىنا كەلتىرىلگەن. بۇل جۇمىسقا 500 ملن تەڭگە جۇمسالدى. جىل سوڭىنا دەيىن قوسىمشا 10 مىڭ شارشى مەتر اسفالت جابىنىن جوندەۋ جوسپارلانىپ وتىر، وعان قوسىمشا 150 ملن تەڭگە بولىنگەن.
تروتۋارلاردى اباتتاندىرۋعا ەرەكشە كوڭىل بولىنگەن: 2025 جىلى وتەپوۆ، ءابىش كەكىلباي ۇلى، ناۋرىزباي باتىر، تىلەندييەۆ، سادىقوۆ، مۇستافين، روزىباقييەۆ، رادوستوۆەس، شاشكين، تورايعىروۆ، بۇقار جىراۋ مەن پومەرانسيەۆ كوشەلەرىن قوسا العاندا، 12 كوشە تەحنيكالىق تروتۋارمەن قامتاماسىز ەتىلدى. بۇعان 308 ملن تەڭگە ءبولىندى.
بيىلعى تامىز ايىنان باستاپ 10 جاياۋ جۇرگىنشىلەر وتكەلىندە – بەس جەرۇستى جانە بەس جەراستى وتكەلىندە ليفتىلەر مەن كوتەرگىشتەردى كۇردەلى جوندەۋ جانە جاڭعىرتۋ جۇمىستارى باستالادى. بۇلار ەرەكشە قاجەتتىلىگى بار ازاماتتارعا جايلى ءارى قولجەتىمدى قالالىق ورتا قالىپتاستىرۋعا باعىتتالعان. بارلىق جۇمىس 2026 جىلدىڭ سوڭىنا دەيىن اياقتالادى.
اتالعان جوبالاردى جۇزەگە اسىرۋ كوشە-جول جەلىسىنىڭ ساپاسىن ەداۋىر جاقسارتىپ، ءقاۋىپسىز ءارى جايلى ەتە تۇسۋگە مۇمكىندىك بەرىپ وتىر.