الماتىنىڭ باس مەملەكەتتىك سانيتار دارىگەرىنىڭ جاڭا قاۋلىسى شىقتى

كوروناۆيرۋسقا قارسى ۆاكسينانىڭ تولىق كۋرسىن العان وقۋشىلار شتاتتىق رەجيمدە وقيدى

قۇجاتقا سايكەس، سپورتتىق-ساۋىقتىرۋ ورتالىقتارىنا، مونشالارعا، ساۋنالارعا، باسسەيندەرگە «جاسىل» مارتەبەسى بار جانە ۆاكسيناعا مەديسينالىق قارسى كورسەتىلىمى بار ادامدارعا عانا كىرۋگە رۇقسات ەتىلگەن، دەپ حابارلايدى Almaty-akshamy.kz.

مەملەكەتتىك ورگانداردىڭ، ۇلتتىق كومپانيالاردىڭ اكىمشىلىك پەرسونالى جانە بارلىق مەنشىك نىسانىنداعى كاسىپورىندار مەن ۇيىمداردىڭ كەڭسە قىزمەتكەرلەرىنىڭ كەمىندە 70 پايىزى قاشىقتان جۇمىسقا كوشەدى.

24 قاڭتاردان باستاپ مىناداي وقۋ فورماتى ەنگىزىلەدى:

مەكتەپكە دەيىنگى ۇيىمداردا اتا-انالاردىڭ ءوتىنىشى بويىنشا شتاتتىق فورماتتا؛

جالپى ءبىلىم بەرەتىن مەكتەپتەردە («قىزىل» ايماق):

1-4 باستاۋىش سىنىپتار - شتاتتىق فورماتتا؛

600 وقۋشىعا دەيىن - شتاتتىق فورماتتا

600-دەن اسا وقۋشى بولسا - جۇكتەمە 50 پايىزدان اسپايدى؛

مەكتەپتەن تىس ۇيىمداردا، قوسىمشا ءبىلىم بەرۋ ۇيىمدارىندا، تۇزەتۋ كابينەتتەرىندە - شتاتتىق فورماتتا؛

جوعارى وقۋ ورىندارى مەن كوللەدجدەردە - ارالاس فورماتتا - تاجىريبەلىك، زەرتحانالىق، سەمينارلار، وندىرىستىك تاجىريبە شتاتتىق فورماتتا، دارىستەر - ونلاين.

كوروناۆيرۋسقا قارسى ۆاكسينانىڭ تولىق كۋرسىن العان وقۋشىلار شتاتتىق رەجيمدە وقيدى.

قۇجاتتىڭ تولىق ماتىنىمەن مىنا جەردەن وقۋعا بولادى.