مەملەكەت باسشىسى قاسىم-جومارت توقايەۆتىڭ تاپسىرماسىن ورىنداۋ ءۇشىن 1 قىركۇيەكتەن باستاپ قازاقستاندا اي سايىنعى مەملەكەتتىك ستيپەنديالاردىڭ مولشەرى ۇلعايادى، ۇكىمەتتىڭ ءتيىستى قاۋلىسىنا ق ر پرەمەر-مينيسترى ءاليحان سمايىلوۆ قول قويدى، دەپ حابارلايدى Almaty-akshamy.kz.
الماتىدا 35 جوو مەن 85 كوللەدج بار. بۇل نورماعا جوو-نىڭ 95 مىڭ ستۋدەنتى ەنەدى.
الماتىدا جوو 191مىڭعا جۋىق ستۋدەنتىنىڭ 95 مىڭعا جۋىعى جوعارى ستيپەنديا الاتىن بولادى (قالعان 96 مىڭ-اقىلى بولىمدە وقيتىندار):
- باكالاۆريات-81،4 مىڭ.،
-ماگيستراتۋرا-8،6 مىڭ.،
-دوكتورانتۋرا-2،1 مىڭ.،
-رەزيدەنتۋرا-1،1 مىڭ.،
-ينتەرناتۋرا-1،8 مىڭ).
سونداي-اق، كوللەدجدەردىڭ 20 مىڭ.303 وقۋشىسى جوعارى ستيپەنديا الاتىن بولادى.
ۇكىمەتتىڭ باسپا ءسوز قىزمەتىنىڭ حابارلاۋىنشا، ستيپەنديا مولشەرى: باكالاۆريات ستۋدەنتتەرىنە – 20%-عا، ماگيستراتۋرا – دوكتورانتۋرا شەڭبەرىندە وقيتىندارعا – 15% - عا، تجكب ستۋدەنتتەرىنە-50% - عا ارتادى. ستيپەنديانىڭ كەلەسى ولشەمدەرى بەلگىلەندى:
- دوكتورانتتارعا (ونىڭ ىشىندە «دەنساۋلىق ساقتاۋ» دايارلاۋ باعىتى بويىنشا) – 217 500 تەڭگە؛
- «دەنساۋلىق ساقتاۋ» دايارلاۋ باعىتى بويىنشا رەزيدەنت دارىگەرلەر مەن ماگيسترانتتارعا-111 579 تەڭگە؛
- ماگيسترانتارعا – 97 024 تەنگە؛
- ينتەرندەرگە – 75 890 تەنگە؛
- جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا دايارلاۋدىڭ پەداگوگيكالىق باعىتتارى بويىنشا جانە «دەنساۋلىق ساقتاۋ» دايارلاۋ باعىتى بويىنشا وقيتىن ستۋدەنتتەرگە - 67 200 تەڭگە؛
- جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە، «دەنساۋلىق ساقتاۋ» باعىتىنداعى پەداگوگيكالىق دايىندىق باعىتتارى بويىنشا وقيتىن ستۋدەنتتەردى قوسپاعاندا – 41 898 تەڭگە؛
- جۇمىس بىلىكتىلىگى بويىنشا تەحنيكالىق جانە كاسىپتىك ءبىلىم بەرۋدىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە-32 681 تەڭگە؛
- تەحنيكالىق جانە كاسىپتىك (ورتا بۋىن ماماندارىن دايارلاۋدى كوزدەيتىن) ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە ورتا بىلىمنەن كەيىنگى ءبىلىم بەرۋ – 31 422 تەڭگە.