Qısaıyp ketken 30 úıdi túzetý jáne nyǵaıtý jumystary tolyq oryndaldy. Sondaı-aq, búgingi tańda aýla ýchaskelerin abattandyrý jáne asfálttaý jumystary aıaqtaldy.
Qazaq qurylys jáne sáýlet ǵylymı-zertteý jáne jobalaý ınstıtýtynyń qorytyndysyna sáıkes nyǵaıtylǵan jáne túzetilgen úıler odan ári paıdalanýǵa jaramdy. «Otbasy bank» aksıonerlik qoǵamynyń páterlerdi kepilge alý máselesi bıylǵy jyldyń qyrkúıek aıynda retteletin bolady.
Osy shaǵyn aýdanda jasyl aımaqtardy, 2 balalar alańyn, qarttarǵa arnalǵan demalys aımaǵyn, shaǵyn sáýlet formalaryn, atrıým-aımaqtardy ornalastyra otyryp, skverdiń jobalaý-smetalyq qujattamasy ázirlenýde. Sonymen birge munda ártúrli aǵashtardyń 200-den astam túri otyrǵyzylatyn bolady. Bul skver buzylǵan 2 aıaqtalmaǵan úıdiń ornyna salynady.