İİ Elızavetanyń jasy qazir 96-da
Ulybrıtanıada İİ Elızavetanyń taqta otyrýyna 70 jyl tolýyna oraı tórt kúndik mereke bastaldy. Kópshilik Býkıngem saraıynyń aldyna tań bozynan jınalǵan, dep habarlaıdy Almaty-akshamy.kz QazAqparatqa silteme jasap.
«Meniń kempıngke arnalǵan oryndyǵym, shatyrym, qolshatyr men uıyqtaýǵa arnalǵan qabym da bar. Patshaıym shyqqan kezde ol jaqsyraq kórinetin oryn alý úshin erterek keldim», - deıdi Donna Ýorner.
Býkıngem saraıy aldyna monarh otbasynyń jankúıerleri eldiń túpkir-túpkirinen jınalǵan.
«Mundaı oqıǵadan qalýǵa bolmaıdy. Mine, osymen altynshy ret, ár mereıtoı kezinde Londonǵa kelemin. Búgin de bul ǵajaıyp sátti – altyn kúımedegi patshaıymdy mindetti túrde kórýim kerek», - deıdi Lıverpýlden kelgen Hılleı Grınhal.
İİ Elızavetanyń jasy qazir 96-da. Onyń taqta 70-jyl otyrýynyń qurmetine túrli kópshilik sharalar uıymdastyrylyp jatyr.