Prezıdentimiz Qasym-Jomart Toqaev konstıtýsıalyq reformalar máseleleri memlekettik qurylymnyń negizgi qaǵıdattary men barlyq azamattardyń múddelerin qozǵaıtynyn, sondyqtan demokratıalandyrýdyń odan ári baǵyttary týraly azamattardyń ózderi sheshim qabyldaǵany mańyzdy ekenin atap ótti.
Konstıtýsıalyq ózgerister – bul resmı saıası oqıǵa emes, onda halyq basty sheshim qabyldaýshy tulǵa retinde qatysady. Qazaqstandyqtar úshin óz egemendi memleketiniń bolashaǵynyń jarqyn bolýy, olardyń erkin jáne laıyqty ómir súrýge, josparlar men armandaryn iske asyrýǵa múmkindik alýy – basty dúnıetanymdarynyń ajyramas bóligi jáne eń joǵary qundylyǵy.
Elimiz úshin mańyzdy sheshimder Parlament qabyrǵasynda nemese tar saıası sheńberde emes, jalpy halyqtyq referendýmda qabyldanatyn kún jaqyndap qaldy. Besinshi maýsymda árqaısymyz memleket taǵdyryn sheshýge tikeleı atsalysyp, Konstıtýsıaǵa engizilgen ózgeristerge qatysty óz pikirimizdi aıta alamyz. Usynylyp otyrǵan reformalar óz elin ádil jáne damyǵanyn kórgisi keletin kez kelgen azamatqa barynsha múmkindik beredi.
Bul barlyq qazaqstandyqtar úshin aýqymdy jáne mańyzdy oqıǵa. Elimizdiń azamattary úshin «jańa Qazaqstan» úshin jańa Konstıtýsıa qalyptastyrýǵa qatysý múmkindigi paıda boldy.
Degenmen, bizdiń ómirimizde jáne memleket ómirinde naqty ne ózgeredi degen suraq kópshilikti mazalaýda. Bul referendýmnan halyq kóptegen ózgerister kútetini sózsiz, óıtkeni usynylǵan barlyq túzetýlerdiń tarıhı mańyzy bar, olardyń ishinde eń bastylary:
- Basqarýdyń sýperprezıdenttik túrinen shyǵyp, memleket pen qoǵamnyń ózara is-qımylynyń jańa formatyna kóshý;
- Jańartylǵan Konstıtýsıa negizinde Parlamenttiń róli men azamattardyń quqyqtaryn qorǵaý tetikterin kúsheıtý;
- Jer men onyń ishi-syrty halyqtiki degen eń mańyzdy normany bekitý;
- Qazaqstandyqtardyń Konstıtýsıalyq sotqa óz betinshe júginýi jáne osylardan bólek Konstıtýtsıamyzǵa Qazaqstan azamattarynyń múddesin eskeretin salmaqty túzetýler engizilýi.
Konstıtýsıanyń jańa redaksıasynda barlyǵy 56 túrli túzetý bekitiledi dep kútilýde. Tipti kásibı zańgerler de kózge kórinbeıtin jáne zańnamany tıisti krıstaldy-taza etip daıarlaýda barynsha atsalysýda.
Konstıtýsıalyq Keńeske túzetýler jobasy tikeleı engizilgenge deıin de qoǵamda búkil tıisti proses oǵan el azamattaryn tarta otyryp, barynsha ashyq bolýǵa tıis ekendigi týraly az aıtylǵan joq. Bul - Qazaqstandyqtar óz Konstıtýsıasynyń taǵdyryn ózderi sheshetin respýblıkalyq referendým-qoǵamnyń saýalyna barabar jaýap.
Osyndaı el úshin mańyzdy kezeńde bilim men ǵylym salasyndaǵy azamattar, árıne, sonyń ishinde ǵalymdar men ulaǵatty ustazdardyń halyq aldyndaǵy erekshe jaýapkershilikti sezinetini anyq jáne biraýyzdan elimizdiń bolashyǵy úshin árbir azamattyń múddesi úshin osy oqıǵaǵa nazar aýdaryp qana qoımaı, oǵan tikeleı qatysýymyz qajet. «Jańa Qazaqstandy – birge qurýǵa» memleketimizdiń azamaty retinde daýys berý árbirimizdiń mindetimiz!