Qańtar aıynyń basynda eldegi narazylyqtar men tártipsizdikter kezinde mobıldi ınternet pen messendjerlerdiń jumysy nasharlap, keıinnen ınternet úzilip qaldy.
Finprom.kz toby jaǵdaıdy taldap, qazaqstandyqtar arasynda tótenshe jaǵdaı kezinde jáne odan keıin qandaı mobıldi qosymshalar suranysqa ıe bolǵanyn anyqtady, dep habarlaıdy Almaty-akshamy.kz
Tótenshe jaǵdaı rejımi kezinde jáne odan keıingi jaǵdaıǵa sholý
Tipti Telegram, WhatsApp jáne Signal sıaqty negizgi messendjerler de jumys istemedi. Eske sala ketsek, elde 2022 jyldyń 19 qańtaryna deıin tótenshe jaǵdaı (TJ) engizilgen bolatyn.
Google Play Store dúkeniniń málimeti boıynsha, aǵymdaǵy jyldyń 11 qańtaryndaǵy jaǵdaı boıynsha, Qazaqstan Respýblıkasyndaǵy TOP-5 qosymshanyń qataryna mynalar kirdi:
- «Secure VPN – Qaýipsiz, jyldamyraq»;
- «Thunder VPN: Jyldamyraq VPN»;
- «VPN Proxy Master – VPN-nen jyldamyraq»;
- «Video Downloader, Beıneni júkteý»;
- «X-VPN –VPN jeke braýzer».
Bulardyń barlyǵy «quraldar» sanatyndaǵy qoldanbalar jáne bireýinen basqasy VPN (Vırtýaldy jeke jeli) tehnologıasymen usynylǵan. VPN — jergilikti shekteýlerdi aınalyp ótip, qupıalylyqty saqtaı alatyn qaýipsiz, shıfrlanǵan qosymsha. Qazaqstan Respýblıkasynyń turǵyndary buǵattaýdy aınalyp ótip, áleýmettik jelilerge kirý jáne jedel messendjerlerdi paıdalaný úshin osy júıelerdi paıdalandy.
Mańyzdy jaıt: eldegi tótenshe jaǵdaı aıaqtalǵannan keıin qazaqstandyqtardyń qalaýy aıtarlyqtaı ózgerdi. Sonymen, 2022 jyldyń 21 qańtaryndaǵy jaǵdaı boıynsha TOP-5 qosymsha qataryna mynalar kirdi:
- ZOOM Cloud Meetings («bıznes» sanatyndaǵy);
- MOON - Current Moon Phase («aýa raıy» sanatyndaǵy);
- Telegram («baılanys» sanatynda);
- Qazaqstan Respýblıkasynyń elektrondyq úkimetiniń eGov mobile qoldanbasy;
- Triple A (oıyn-saýyq sanatyndaǵy).
Eske sala ketsek, 2022 jylǵy 19 qańtarda Qazaqstan Respýblıkasynda tótenshe jaǵdaı rejımi aıaqtaldy. Baılanys pen ınternet úzilissiz turaqty rejımde jumys istep tur.