Memleket basshysy "Syr juldyzdary" shyǵarmashylyq-ınnovasıalyq akademıasynyń qyzmetimen tanysty, - dep habarlaıdy aqshamnews.kz tilshisi.
Qasym-Jomart Toqaev balalar men jasóspirimderge arnalǵan «Syr juldyzdary» shyǵarmashylyq-ınnovasıalyq akademıasyna bardy.
Bul nysan bıyl mamyr aıynda paıdalanýǵa berilgen.
Memleket basshysyna akademıa qyzmeti óńir jastarynyń zıatkerlik jáne shyǵarmashylyq áleýetin damytýǵa baǵyttalǵany jóninde baıandaldy.
Keshende baseın, sport túrlerine arnalǵan jattyǵý zaldary, shyǵarmashylyq stýdıalar men zerthanalar bar.
Ákimdiktiń málimetine sáıkes, Qyzylorda oblysynda qosymsha bilim berý júıesin damytý aıasynda 2022 jyldan bastap Jańaqorǵan, Jalaǵash jáne Shıeli aýdandarynda Oqýshylar úıi men Shyǵarmashylyq mektepteri boı kótergen.
Byltyr oblys ortalyǵynda zamanaýı Oqýshylar saraıy ashyldy. Budan bólek, Qyzylordada Kásiptik bilim berý jáne jumysshy mamandyqtary boıynsha quzyrettilik ortalyǵynyń qurylysy bastaldy. Búginde Prezıdent saıabaǵynda ýaqyt talabyna saı balalar saýyqtyrý lageri men qysqy baq salynyp jatyr.