Memleket basshysy Qasym-Jomart Toqaevtyń Qyzylorda oblysyna sapary "Qorqyt ata" halyqaralyq áýejaıynyń jańa termınalymen tanysýdan bastaldy, - dep habarlaıdy aqshamnews.kz tilshisi.
Prezıdentke áýejaı qyzmeti, ishki jáne halyqaralyq áýe reısterine qyzmet kórsetý prosesi jóninde baıandaldy.
Memleket basshysyna jolaýshylardy tirkeý jáne tekserý aımaqtary, shekaralyq-kedendik baqylaý pýnktteri, kútý zaly, sondaı-aq avtomattandyrylǵan júk berý júıesi kórsetildi.
Jańa termınal byltyr qarasha aıynda ashylǵan. Jobaǵa 16,6 mıllıard teńge kóleminde jeke ınvestısıa salyndy.
Jergilikti búdjetten ınjenerlik-kommýnıkasıalyq ınfraqurylymyn júrgizýge 4,3 mıllıard teńge bólindi.