2021 jyldyń boıynda Reseıde 1,667 mıllıon jańa jeńil jáne jeńil komersıalyq avtomobılder satylǵan
2022 jyly reseılik avtokólik naryǵy 40 myńǵa jýyq jańa kólikpen tolyqpaı qalýy múmkin. Jolǵa shyǵyp úlgergen avtomobılder dılerlik ortalyqtarǵa jetkiziledi, dep habarlaıdy Almaty-akshamy.kz Zakon.kz-ke silteme jasap.
Vedomostı basylymynyń jazýynsha olardyń qatarynda Audi, General Motors, Volkswagen, Skoda, Citroen, Porsche jáne Jaguar Land Rover de bar.
Keıbir avtoóndirýshilerdiń ókilderi bul sharanyń jolǵa shyǵyp ketken avtomobılderge áser etpeıdi dep sendirdi.
Eýropalyq bıznes qaýymdastyǵynyń málimetteri boıynsha, 2021 jyldyń boıynda Reseıde 1,667 mıllıon jańa jeńil jáne jeńil komersıalyq avtomobılder satylǵan. Olardyń basym bóligi jergilikti óndiriske tıesili.
Atalǵan brendterdegi jańa jeńil kólikterdiń ımporty 37 979 danany quraıdy.
Avtomobıl ónerkásibi jónindegi táýelsiz keńesshi Sergeı Býrgazlıevtiń aıtýynsha, bul - az kólem, al eger jańa kólikterdi jóneltýdi toqtata turý týraly málimdegenderge endi eshkim qosylmasa, onda Reseı naryǵy 2022 jyly shamamen 40 myń jańa kólikpen tolyqpaı qalýy múmkin.