Qytaı karantın talaptaryn kúsheıtken elderge qatysty úndeý jarıalady
Qytaıdyń Syrtqy ister mınıstrliginiń málimdeýinshe, elder qabyldap jatqan koronavırýspen kúres sharalary ǵylymı negizdelgen jáne úılesimdi bolýy tıis. Sondaı-aq, adamdardyń júrip-turýy elder arasyndaǵy yntymaqtastyqqa áser etpeýi kerek, dep habarlaıdy Almaty-akshamy.kz QazAqparatqa silteme jasap.
Atalǵan úndeý týraly QHR Syrtqy ister mınıstrliginiń resmı ókili Mao Nın málim etti. Resmı ókil baspasóz máslıhatynda pandemıa bastalǵaly Qytaı COVID-19-ben kúreske baǵyttalǵan halyqaralyq baılanystar men almasýlarǵa belsendi qatysyp kele jatqanyn aıtty.
Aıtýynsha, koronavırýspen kúres jolynda Qytaı halyqaralyq qaýymdastyqtarmen onyń ishinde Dúnıejúzilik densaýlyq saqtaý uıymymen yntymaqtastyq artty. Mao Nın eldegi epıdemıologıalyq jaǵdaı men qabyldanyp jatqan sharalar týraly aıta kele, koronavırýsqa qatysty aqparat ýaqtyly, ashyq ári zańǵa saı taratylyp jatqanyn málimedi.
«Biz tumaý týraly (GISAID) jahandyq derekter almasý bastamasy aıasynda Qytaıdaǵy COVID-19 ınfeksıasynyń taralýynyń sońǵy jaǵdaıy boıynsha vırýstyq genom derekterin jarıaladyq», - dedi Mao Nın.
Sondaı-aq, syrtqy ister mınıstrliginiń resmı ókili birneshe kún buryn Qytaıdyń quzyretti organdary Dúnıejúzilik densaýlyq saqtaý mamandarymen beıne- konferensıa ótkizgenin aıtty. Eki tarap qazirgi COVID-19 jaǵdaıy, medısınalyq emdeý, vaksınasıa jáne basqa da tehnıkalyq máseleler boıynsha pikir almasty. Olar tehnıkalyq almasýdy jalǵastyrýǵa jáne jahandyq pandemıany tezirek jeńýde bar kúshin salýǵa kelisti.
Kóptegen eldiń densaýlyq saqtaý mamandary qazir Qytaıda taralyp jatqan COVID-19 shtamdary buryn basqa jerlerde tabylǵanyn jáne planetanyń kez kelgen jerinde jańa nusqa paıda bolýy múmkin ekenin aıtty. Sondyqtan qytaılyqtar men atalǵan elden kelgen azamattardyń kirýine arnaıy shekteý engizýdiń qajeti joq.
Mao Nınniń aıtýynsha, Qytaı barlyq elde indetke qarsy sharalar ǵylymı negizdelgen jáne úılesimdi bolýy kerek dep sanaıdy. Saıası aıla-sharǵy jasaý nemese kemsitý bolmaýy tıis. Sonymen qatar adamdar qatynasy men aralasýy yntymaqtastyǵyna áser etpeýi kerek.