Óńirlerdi damytýǵa 7 trln teńgeden astam qarjy bólingen.
Májilis depýtattary Ulttyq qordan 2024-2026 jyldarǵa arnalǵan kepildendirilgen transfert pen 2024-2026 jyldarǵa arnalǵan respýblıkalyq búdjet týraly zańdy qabyldady, dep habarlaıdy Almaty-akshamy.kz parlament palatasynyń baspasóz qyzmetine silteme jasap.
Otyrys barysynda premer-mınıstrdiń orynbasary – qarjy mınıstri Erulan Jamaýbaev "2024-2026 jyldarǵa arnalǵan respýblıkalyq búdjet týraly" zań jobasyn usyndy.
Onyń aıtýynsha, 2024 jylǵa arnalǵan túsimder 20,4 trln teńge deńgeıinde boljanýda. Búdjet tapshylyǵy jalpy ishki ónimge shaqqanda 2,6% deńgeıinde boljanyp otyr. Jalpy búdjettiń 2024 jylǵa arnalǵan shyǵyndar bıylmen salystyrǵanda 1,5 trln teńgege ulǵaıyp, shamamen 24 trln teńgeni quraǵan.
Jalpy respýblıkalyq búdjettiń basym bóligi memlekettik jáne áleýmettik mindettemelerdi tolyqqandy oryndaýǵa jáne óńirlerdi damytýǵa baǵyttalǵan. Sonymen, ındeksteýdi esepke alǵanda 5,4 trln teńge zeınetaqy men járdemaqy tóleýge ketse, 2,4 trln teńge densaýlyq saqtaý júıesin damytýǵa, onyń ishinde "Aýyl sharýashylyǵyn jańǵyrtý" ulttyq jobasyn iske asyrýǵa jumsalady. Bilim salasyn damytýǵa, atap aıtqanda, "Jaıly mektep" ulttyq jobasyn júzege asyrýǵa 1,7 trln teńge bólinedi.
Sondaı-aq, Erulan Jamaýbaev óńirlerdi damytý shyǵyndaryna da toqtaldy. Bul maqsattarǵa 7 trln teńgeden astam qarjy bólingen.
Halyqtyń tabysyn arttyrý baǵdarlamasy aıasynda azamattardy jumyspen qamtýǵa 3,5 trln teńge bólý josparlanǵan. Onyń ishinde 2,5 trln teńge 1,5 mıllıonnan astam jumysshynyń jalaqysyn arttyrýǵa qarastyrylǵan.
Ekonomıkanyń naqty sektoryn damytýǵa 2,8 trln teńge qarastyrylady. Atap aıtqanda, óńdeý ónerkásibin damytý, kásipkerlikti qoldaý jáne basqa da basym mindetterdi júzege asyrý josparlanýda.
Kúsh qurylymdarynyń shyǵyndary 2,6 trln teńgeni qurady.
Ulttyq ekonomıka mınıstri Álibek Qýantyrov Ulttyq qordyń valútalyq aktıvteri 2024 jyly 68 mlrd AQSH dollaryn qurap, 2025-2026 jyldary 80,7-93,3 mlrd AQSH dollaryna deıin ósedi dep boljanyp otyrǵanyn atap ótti.