Senattyń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı komýnaldyq sharýashylyq máseleleri boıynsha ózgerister men tolyqtyrýlar engizý týraly» zań maquldandy, dep habarlaıdy Almaty-akshamy.kz BAQ.KZ-ke silteme jasap.
Zańda kondomınıým obektisin basqarýdyń jeke nysanyn – tikeleı birlesip basqarý nysanyn qurý kózdeledi. Bul nysan páterler sany on altydan aspaıtyn turǵyn úıge qatysty qoldanylady. Jaı seriktestik qurý úshin de páterler sanyn shekteý usynylady. Ol otyz páterden aspaıtyn turǵyn úılerde qurylýy múmkin. Qalǵan kóppáterli turǵyn úıler úshin múliktiń menshik ıeleri birlestigi nysany qoldanylýy tıis. Zańda aýylda, kentte óz qyzmetkerleri úshin turǵyn úı salatyn jumys berýshilerdiń shyǵyndaryn sýbsıdıalaý engiziledi. Bul norma Memleket basshysy Qasym-Jomart Toqaevtyń aýylda jalǵa beriletin úıler salý kezinde jumys berýshilerdiń shyǵyndaryn sýbsıdıalaý tetigin endirý jónindegi tapsyrmasyn iske asyrý maqsatynda ázirlendi, - dep atap ótti Ekonomıkalyq saıasat, ınovasıalyq damý jáne kásipkerlik komıtetiniń tóraǵasy Súıindik Aldashev.
Zańdy Qazaqstan Respýblıkasy Parlamentiniń Senatynda talqylaý barysynda komıtetterdiń eskertýleri men usynystaryn eskere otyryp, Májilis qabyldaǵan Zańǵa myna baǵyttar boıynsha ózgerister men tolyqtyrýlar engizý qajettiligi týyndady:
- eger páterdiń, turǵyn emes úı-jaıdyń menshik ıesi memleket qatysatyn uıym bolyp tabylsa, onda kondomınıým obektisin basqarýǵa jáne kondomınıým obektisiniń ortaq múlkin kútip-ustaýǵa arnalǵan shyǵystardy tóleý kezinde «Memlekettik satyp alý týraly» Qazaqstan Respýblıkasy Zańynyń qoldanysy qoldanylmaıdy degen norma engiziledi;
- búdjet qarajatynyń qaıtarylýyn qamtamasyz etýdi eskere otyryp, tıisti hattamany resimdeý arqyly osy kireberis turǵyndarynyń sheshimi boıynsha kóppáterli turǵyn úı kireberisteriniń birindegi lıftini búdjet qarajaty esebinen aýystyrý men jóndeýdi uıymdastyrý jáne qarjylandyrý tetigi zańnamamen bekitiledi;
- kondomınıým obektisiniń ortaq múlkin jeke menshikke ıelikten shyǵarýǵa tyıym salynady;
- orynturaq oryndarynyń jáne qoımalardyń menshik ıeleriniń quqyqtary men mindetteri naqtylanady;
- kóppáterli turǵyn úı tirkelgen kúnnen bastap alty aı ishinde kóppáterli turǵyn úıdiń tapsyrys berýshisiniń (qurylys salýshysynyń) kóppáterli turǵyn úıdiń syrtqy ınjenerlik jelileri men qurylystaryn komýnaldyq menshikke óteýsiz berýdi qamtamasyz etý mindeti reglamentteledi.