Qazaqstandyq aralas jekpe-jek sheberi Qýat Hamıtov (23-7-2) Atyraýda ótip jatqan Mergen Fighting Championship 3 týrnırinde hedlaıner boldy, dep habarlaıdy Almaty-akshamy.kz Inform.kz-ke silteme jasap.
Qýat Hamıtov reseılik Vasılıı Babınsevpen (6-6) aralas jekpe-jekke shyqty.
Reseı faıteri osy ýaqytqa deıingi búkil aıqastaryn nokaýtpen aıaqtaǵan bolatyn.
Aralyq salmaqtaǵy kezdesý úsh raýndqa shaqtalǵanymen birinshi raýndta-aq Qýat Hamıtovtyń tunshyqtyrý tásiliniń arqasynda onyń jeńisimen aıaqtaldy.
Osylaısha Qýat Hamıtov kásibı sport jolyndaǵy jıyrma tórtinshi jeńisine qol jetkizdi, al Vasılıı Babınsev jetinshi márte utyldy.
Eske sala keteıik, munyń aldynda qazaqstandyq sportshy Mergen Fighting Championship 3 týrnırinde ýkraınalyq Zaka Fatýllazademen (19-12) judyryqtasady delingen edi. Biraq ol Qazaqstanǵa jolǵa shyǵar aldynda vızadan problema týyndap, jarysqa kele almady.