QR Ulttyq banki tóraǵasynyń orynbasary Vıtalıı Týtýshkın ishki naryqty qolma-qol shetel valútasymen qamtamasyz etý sharalaryn aıtyp berdi, dep habarlaıdy Almaty-akshamy.kz.
«Qolma-qol shetel valútasyna qatysty ishki naryqtaǵy jaǵdaı qalypqa keltirildi. Halyqtyń suranysyn qanaǵattandyrý úshin qolma-qol shetel valútalary jetkizildi. Ekinshi deńgeıli bankterde ótimdi valútalyq aktıvter kólemi jetkilikti», - dedi V.Týtýshkın Májilistiń jalpy otyrysynda.
Onyń aıtýynsha, Ulttyq bank qolma-qol shetel valútasy naryǵynda alypsatarlyq áreketterdi boldyrmaý úshin aıyrbas pýnkteri arqyly shetel valútasyn satyp alý baǵamynyń satý baǵamynan aýytqý shekterin keńeıtti.
«Memleket basshysynyń ulttyq valútanyń ornyqtylyǵyn qamtamasyz etý, kapıtaldy áketýge jol bermeý tapsyrmasyn oryndaý úshin transshekaralyq qarjy operasıalaryn baqylaý sharalary kúsheıtildi. Qabyldanǵan sharalarǵa baılanysty, ishki valúta naryǵyndaǵy jaǵdaı turaqtalyp keledi. Qazirgi ýaqytta jaǵdaı suranys pen usynystyń teńgerimde ekenin kórsetedi. Sharalar kesheni aıyrbas baǵamyna jáne keıinnen ınflásıaǵa qysymdy tómendetip, teńgedegi aktıvterdi qoldaýǵa kómektesedi», - dedi Vıtalıı Týtýshkın.