Memlekettik tabıǵı rezervatynyń aýdany 343040,1 gektardy quraıdy.
Úkimet qaýlysymen «Bókeıorda» memlekettik tabıǵı rezervaty jáne Ashyózek memlekettik tabıǵı qaýmaly quryldy, dep habarlaıdy Almaty-akshamy.kz Inbusiness.kz silteme jasap.
«Kıikterdiń aýyl sharýashylyǵyna tıgizetin zıanyn barynsha azaıtý jáne aqbókenderdiń Oral popýlásıasynyń mekendeý aýmaǵyn saqtaý maqsatynda Batys Qazaqstan oblysynda «Bókeıorda» memlekettik tabıǵı rezervaty jáne Ashyózek memlekettik tabıǵı qaýmaly quryldy», - dep jazylǵan Ekologıa, geologıa jáne tabıǵı resýrstar mınıstrliginiń resmı saıtynda.
«Ashyózek» memlekettik tabıǵı qaýmalynyń aýdany 314504,1 gektardy, «Bókeıorda» memlekettik tabıǵı rezervatynyń aýdany 343040,1 gektardy quraıdy.
Joǵaryda atalǵan erekshe qorǵalatyn tabıǵı aýmaqtar Batys Qazaqstan oblysynyń Bókeıorda, Jánibek, Kaztalov, Jańaqala aýdandarynyń aýmaǵynda ornalasqan.
Rezervat qyzmetine qarjylyq qoldaý jáne ǵylymı súıemeldeý kórsetiletin bolady.
Kıikterdiń dúnıejúzilik taralymynyń 90%-dan astamy Qazaqstanda mekendeıdi. Olardyń - Betpaqdala, Oral jáne Ústirt sekildi úsh popýlásıasy bar.
«Búginde Oral popýlásıasynyń sany 801 myń basty quraıdy. Bul jaıylymdar men sýattar úshin aýyl sharýashylyǵy janýarlarymen kıikterdiń básekelestiginiń artýyna alyp keldi. Sondaı-aq, aqbókender aýyl sharýashylyǵy daqyldaryn taptap jatyr», - dep habarlaıdy mınıstrlikten.