Energetıka mınıstrligi AI-92 benzıniniń qymbattaýy men avtogaz boıynsha úzilisterge qatysty shaǵymdardy qabyldaýǵa arnalǵan jedel jelini iske qosty, - dep habarlaıdy aqshamnews.kz tilshisi.
Eger siz AI-92 markaly benzın baǵasynyń negizsiz ósýin nemese AJQS-tar janarmaıdyń bolmaýyn baıqasańyz, Mınıstrlik jedel jeli telefonyna habarlasýdy suraıdy: +7 701 855 0248. Ótinishter táýlik boıy, 24/7 rejıminde qabyldanady.
"Básekelestikti qorǵaý jáne damytý agenttigimen jáne óńirlik shtabtarmen birlesip, alypsatarlyq pen otynnyń jasandy tapshylyǵyn týǵyzýǵa baǵyttalǵan kez kelgen áreketterge qatań tosqaýyl qoıady", - dep málimdedi vedomstvo.
Mınıstrlik barlyq qajet otyn kólemi óńirlerdiń ótinimderine sáıkes jóneltilip, munaı bazalarynda saqtalyp turǵanyn atap ótti. Tapshylyqqa sebep bolatyn obektıv faktorlar joq.
"Suıytylǵan munaı gazy boıynsha: óndirýshi zaýyttardyń birinde júrgizilgen josparly jóndeý jumystary mınıstrlik tarapynan aldyn ala eskerilip, joǵary suranys baıqalatyn óńirler úshin qosymsha kólemder bólindi. Sondyqtan keıbir gaz quıý beketterindegi kezekter júıeli tapshylyqpen emes, ishki bólý jáne logıstıka máselelerimen baılanysty", - dep túsindirdi Energetıka mınıstrligi.
Vedomstvo árbir ótinish muqıat qaralyp, rastalǵan jaǵdaıda adal emes naryq qatysýshylaryna qatysty tıisti sharalar qabyldanatynyn aıtty.