Tanker floty jumysyn jolǵa qoımaq.
Qazaqstan Abu Dhabi Ports-pen birlesip teńiz flotyn qurady, dep habarlaıdy Almaty-akshamy.kz LS silteme jasap.
"QazMunaıGaz" kompanıasynyń aqparaty boıynsha, strategıalyq áriptestik týraly qol qoıylǵan kelisim sheńberinde Kaspıı teńizindegi munaı-gaz jobalary úshin teńiz qyzmetterin kórsetýge "Astana" halyqaralyq qarjy ortalyǵy (AHQO) bazasynda birlesken kásiporyn qurylatyn bolady.
Kompanıalar birlesken kásiporynǵa (BK) "Qazaqteńizkólikfloty" jáne International Maritime Investments Ltd kompanıalary arqyly qatysatyn bolady.
Budan basqa, Kaspıı teńizindegi ofshorlyq jobalardy qoldaý úshin flot (ártúrli úlgidegi shaǵyn otyratyn kemeler), sondaı-aq qazaqstandyq munaı eksportynyń balamaly marshrýttaryn (Aqtaý porty arqyly Ázirbaıjan baǵytynda) damytýdy eskere otyryp, tanker floty jumysyn jolǵa qoımaq.
Sonymen qatar, birlesken óndiriske qatysýshylar saýda flotyn qurý múmkindikterin zertteıdi. Bul "Soltústik – Ońtústik" (Reseı – Iran) baǵyty boıynsha jalpy júkterdi tasymaldaýǵa qatysý úshin konteınerlik paromdar (Transkaspıı baǵyty boıynsha Qytaıdan Eýropaǵa tranzıt) jáne qurǵaq júk kemelerin salý/satyp alý.
QMG basshysy Maǵzum Myrzaǵalıev BK osy jyldan bastap Qazaqstannyń ınvestısıalyq jobalaryna tartylatynyn atap ótti.
"Biz Abu Dhabi Ports kompanıasynyń teńiz munaı-gaz ken oryndaryn ıgerý jobalaryna jáne Qazaqstannyń kólik-logıstıkalyq jobalaryna qyzmet kórsetý tájirıbesin paıdalanamyz dep úmittenemiz", - dep qosty ol.
Buryn LS redaksıasy parom flotynyń qurylysy týraly egjeı-tegjeıli habarlaǵan bolatyn.
Anyqtama
Abu Dhabi Ports – Birikken Arab Ámirlikteriniń port, ónerkásiptik jáne logıstıkalyq operatory. BAÁ men Gvıneıadaǵy 11 port pen termınaldy basqarady, sonymen qatar Abý-Dabı Halıfa ındýstrıaldy aımaǵynda 550 sharshy shaqyrymnan astam aýmaqty qamtıdy.