Reıtıńte Islandıa, Jańa Zelandıa jáne Danıa memleketteri úzdik úshtikten oryn aldy.
2021 jyldyń qańtar-shilde aılarynda elde ekstremızm men terorızmge baılanysty 139 quqyqbuzýshylyq tirkeldi. Bul kórsetkish ótken jylmen salystyrǵanda 19,8% kóp, dep habarlady Almaty-akshamy.kz Informburo.kz-ke silteme jasap.
2020 jyly osy ýaqytta 116 quqyqbuzýshylyq tirkelgen edi, bul 2019 jylmen salystyrǵanda 41,1% az. Al 2021 jyly alǵash ret osy tıptegi qylmys sany ósip otyr. 2017 jáne 2020 jyldary kerisinshe olardyń sany azaıyp kele jatqan bolatyn.
Eń kóp qylmys:
- Túrkistan oblysy – 18 jaǵdaı, ótken jylmen salystyrǵanda 18,2% az;
- Jambyl oblysy – 16 jaǵdaı, kórsetkish bir jylda 2 ese ósti;
- Shymkentte – 16 jaǵdaı tirkeldi, kórsetkish bir jylda 2 ese ósti;
Eń az qylmys sany:
- Shyǵys Qazaqstan oblysy – 1 jaǵdaı;
- Qostanaı oblysynda – 1 jaǵdaı.
Tirkelgen quqyqbuzýshylyqtar negizinen áleýmettik, ultshyldyq, násilshildik, til tıgizý jáne dinı kıkiljińdermen baılanysty. Ótken jyldaǵydaı 48 jaǵdaı tirkeldi. Budan ózge kópshilikti terorızm jasaýǵa úgitteý kóp kezdesip otyr.
Bıyl beıbitshilikti súıetin halyqtar reıtıńinde Qazaqstan 163-orynnyń ishinen 67-orynǵa jaıǵasty. Memleket ındeksi 1,94-ti qurady. Indeks joǵary bolǵan saıyn eldiń beıbitshilikti súıý qabileti kerisinshe tómen bolady. Indeksti esepteý kezinde elde soǵystyń ǵana emes, zorlyq-zombylyqtyń bolmaýy, qysym kórsetiledi dep qoryqpaý, qaýipsizdik, ártúrli kıkiljiń jáne mılıtarızasıa eskeriledi.
TMD elderi ishinde reıtıńte Moldova Qazaqstannan joǵary tur. Qyrǵyzstan, Ózbekstan, Armenıa, Tájikstan, Túrkmenstan, Belarýs, Ázerbaıjan, Ýkraına jáne Reseı syndy memleketter reıtıńte Qazaqstannan tómen tur.
Beıbitshilikti súıetin elder tiziminde Islandıa, Jańa Zelandıa jáne Danıa kósh bastady. Al eń sońǵy orynda – Aýǵanstan.