Qazaqstandyq «Qashaǵan» kenishinen alynǵan munaı Kaspıı teńizi arqyly Aqtaý-Baký baǵytynda tasymaldana bastady, dep habarlaıdy Almaty-akshamy.kz QazAqparat-qa silteme jasap.
Jańa baǵyt boıynsha tasymal «Ázirbaıjan Kaspıı teńiz parohody» JAQ (ASCO) Teńiz kólik flotyna qarasty «Akademık Hoshbaht Iýsıfzade» tankeriniń kómegimen júzege asyrylady.
AZERTADJ agenttiginiń habarlaýynsha, birinshi partıa aıasynda tankerdiń rezervýaryna barlyǵy 6 900 tonna shıki munaı tıelgen. Aqtaý portynan saparǵa shyqan tanker Ázirbaıjannyń «Sangachal» termınalyna jetkiziledi.
Aıta keteıik, Prezıdent Ilham Alıevtiń qatysýymen 2022 jyly iske qosylǵan «Akademık Hoshbaht Iýsıfzade» tankeri 7800 tonna júk kótere alady. Bul tankermen munaımen qatar hımıalyq ónimderdi de tasymaldaýǵa bolady.