Álem jańalyqtary
Eýropa memleketteri «omıkron» shtamynyń taralýyna qarsy qorǵanysh sharalaryn kúsheıtýge tyrysýda, dep habarlaıdy Almaty-akshamy.kz Covid-19 taralýyna jol bermeý jónindegi VAK-qa silteme jasap.
Búginnen bastap Nıderlandy qatań lokdaýn engizdi. Shekteýler 14 qańtarǵa deıin qoldanylady, - dedi Premer-Mınıstrdiń mindetin atqarýshy Mark Rútte.
«Omıkron» biz oılaǵannan da tezirek taraldy», - dedi saıasatker baspasóz máslıhatynda.
Azyq-túlik pen qajetti taýarlardy satatyn dúkender men dárihanalardy qospaǵanda meıramhanalar, barlar, teatrlar, murajaılar, dúkender jabylady. Buǵan deıin Nıderlandy bıligi oqýshylardy rojdestvolyq demalystarǵa jiberý týraly jarıalaǵan bolatyn.
Osy ýaqytta Germanıa Ulybrıtanıany «koronavırýstyq mýtasıa aımaǵy» dep jarıalady jáne azamattardyń osy elge saparlaryn shektedi. Al tumandy Albıonnan kelgen barlyq adamdar eki aptalyq karantınnen ótýi tıis. COVID-19 boıynsha qaýipti aımaqtar boıynsha Germanıa Úkimetiniń tiziminde «omıkron» shtamy tabylǵan taǵy birneshe Afrıka memleketi bar.