Medıasaýattylyq uǵymyn ulǵaıtqan durys.
QR Aqparat jáne qoǵamdyq damý mınıstri Darhan Qydyráli AstanaMediaWeek dástúrli halyqaralyq forýmynda Qazaqstanda medıasaýattylyqty arttyrýǵa arnalǵan mektepter ashylatynyn aıtty, dep habarlaıdy Almaty-akshamy.kz QazAqparatqa silteme jasap.
«Feıknústi aýdıtorıany senimdi aqparatty tanı bilýge mashyqtandyrý arqyly ǵana azaıta alamyz dep oılaımyn. Osyndaı kezde oıymyzǵa dezınformasıamen kúresýdiń bir joly retinde aýdıtorıany jalǵan men shyn aqparattyń ara jigin ajyratýǵa úıretý, ıaǵnı medıasaýattylyq uǵymyn ulǵaıtý durys dep sanaımyz. Jeke medıa, ınflúser ne redaksıalar sóz jaýapkershiligin, aqparattyń aldyndaǵy, onyń saldarynan bolatyn salmaqty sezinýi tıis. Bul oraıda salaǵa jaýapty mınıstrlik retinde medıamektepter ashý, onyń ishinde medıasaýattylyq boıynsha bilim berý – bizdiń tikeleı mindetimiz», - dedi Darhan Qydyráli.
Aıtýynsha, atalǵan baǵytta birlesip qolǵa alatyn birqatar is-shara bar.
«Faktchekıng, aqparatty saralaý, onyń shyǵý tórkinin tekserý, taratpas buryn belgilengen krıterılerden ótkizý sekildi birneshe satydan turatyn oqytý júıesin uıymdastyrýymyz kerek. Bul oraıda jýyrda jańarýy kózdelip otyrǵan massmedıa týraly zań jobasynda birshama jańashyldyq bolmaqshy. Aqparatqa qol jetkizý, jýrnalıserdiń mártebesin kóterý, kásibı quzyretin arttyrý sekildi birshama ózgeristerdi josparlap otyrmyz», - dedi mınıstr.