Almatyda 41 jastaǵy erkek týǵan anasyn pyshaqtap óltirdi degen kúdikke ilingen erkek týraly kórshileri aıtty, dep habarlaıdy Aqshamnews.kz KTK-ǵa silteme jasap.
Olardyń aıtýynsha 41 jastaǵy er adam týǵan anasyn pyshaqtap óltirgennen keıin máıitin kilemge orap, qoqysqa tastaǵan.
"1988 jyldan beri osynda turamyz. Ókinishti. Áli de sene alar emespin. Eki perzenti bar. Úlkeni Anna Amerıkada turady. Kishisi, osy Ivan, 1984 jylǵy, júıke aýrýyna shaldyqqan. Únemi aýrýhanaǵa jatqyzyp turady. Aýrýy kúz mezgilinde qozady. Úıinde únemi aıqaı-shý bolatyn. Óıtkeni kúzde aýrýy asqynady. Tipti aýlada oınap júrgen balalarǵa deıin tıisetin", - deıdi marqumnyń kórshisi Galına.
Kúdikti buǵan deıin birneshe márte terezeden de sekirgen eken. Bul úıde tek anasy ekeýi turǵan. Páterden qatty daýys jıi estilip, talaı ret kórshi-qolańnyń tynyshyn buzǵan. Naýqas esh jerde jumys istemegen.
72 jastaǵy qarıanyń ólimine qatysty qylmystyq is qozǵaldy. Al qazir oqıǵa bolǵan páterdiń esigi mórlengen.
"41 jastaǵy jergilikti turǵyn óz anasyn óltirip, bul derek boıynsha qylmystyq is qozǵaldy. Sezikti izin sýytpaı qamaýǵa alyndy. Oqıǵanyń basqa da mán-jaıy anyqtalýda. Aldyn ala boljam boıynsha, sezikti júıke aýrýyna shaldyǵyp, esepte turǵan. Sot sheshimi boıynsha úkimmen sottalady", - deıdi Almaty qalasy PD resmı ókili Saltanat Ázirbek.