Rımdegí Vılla Gratsıolı sayabaǵynda (Parco di Villa Grazioli) qazaq halqynyń ūly aqyny árí oıshyly Abaı Qūnanbaıūly byustíníń saltanatty ashyluy óttí, - dep habarlaıdy aqshamnews.kz tílshísí.
Ís-sharaǵa QR Mádenıet jáne aqparat mınıstrí Aıda Balaeva, Qazaqstan Respublıkasynyń Italıya Respublıkasyndaǵy Tótenshe jáne Ókílettí Elshísí Erbolat Sembaev, ıtalıyalyq zıyaly qauym ókílderí men Qazaqstannyń resmı delegatsıyasy múshelerí qatysty.
Mınıstr saltanatty ís-sharada sóılegen sózínde Abaı Qūnanbaıūly – qazaq halqynyń ruhanı kemeldenuíne baǵdar bolǵan, adamzattyń asyl mūrattaryn nasıhattaǵan ūly tūlǵa ekenín atap óttí. Onyń shyǵarmalaryndaǵy basty ıdeya – adamgershílík, ádíldík, bílím men eńbek arqyly ízgílíkke úndeu. Sondyqtan da Abaı beınesíníń dál Rım qalasynda boı kóteruí – mádenıetter men órkenıetter arasyndaǵy ruhanı kópírdíń belgísí bolary anyq.
"Keıíngí jyldary memleketterímíz arasyndaǵy qarym-qatynas erekshe serpín aldy. Ótken jyly Qazaqstan Respublıkasynyń Prezıdentíníń Italıyaǵa resmı sapary men Italıya Mınıstrler keńesíníń tóraıymy Qazaqstanǵa jasaǵan resmı sapary yntymaqtastyqty jańa deńgeıge kóterdí. Al qyrkúıek aıynda Italıya Prezıdentí Qazaqstanǵa kelíp, jańa baılanystarǵa jol ashyp, bírqatar mańyzdy kelíssózder jasaldy. Búgíngí Abaı eskertkíshíníń ashyluy – sol kelísímderdíń kórínísí, ekí halyq arasyndaǵy dostyq pen ózara qūrmettíń belgísí dep bílemín", – dedí Aıda Balaeva.
Aıta ketsek, qazaqtyń ūly aqyny Abaıdyń esímí shetelde zor qūrmetke ıe. Aqynǵa arnalǵan eskertkíshter, byuster men monumentter álemníń kóptegen írí qalalary men astanalarynda ornatylǵan. Olardyń qatarynda, Tashkent, Máskeu, Qazan, Bíshkek, Beıjíń, Kaır, Budapesht, Tegeran, Ankara, Ystambūl, Nyu-Delı, Jeneva, Parıj, Renn, Saraevo, Tbılısı, Berlın, Seul, Harkov, Baku jáne Rıo-de-Janeıro qalalary bar.
