Donor retinde qan tapsyrý - ıgi is
Mamandar qazaqstandyqtardy donorlar qataryna qosylyp, jıi qan tapsyryp turýǵa úndeıdi. Koronavırýspen aýyratyn azamattar da bul ıgi sharaǵa atsalysa alady. Medısınalyq qarsy kórsetilimderi joq jáne salmaǵy keminde 50 kg bolatyn árbir eresek adam donor bola alady, dep habarlaıdy Almaty-akshamy.kz
«Eger adam alkogóldik ishimdik ishken bolsa, ol 48 saǵatqa qan tapsyrýdan bosatylady. Al tumaýǵa shaldyqqandar eki aptaǵa, baspamen aýyrǵandar eki aıǵa deıin, koronavırýs eki aptaǵa, pnevmonıa bolsa, bir aıǵa deıin donor bolýdan shettetiledi. Qan tapsyrýǵa múldem bolmaıtyn birqatar qarsy kórsetkishter de bar. Máselen júrek-qantamyrlar júıesiniń aýrýlary, mıokardıtter, endokardıtter nemese saraptama qorytyndysyna sáıkes gepatıt B,S, VICH, sıfılıs anyqtalsa», - deıdi Transfýzıologıa ǵylymı-óndiristik ortalyǵy bólimshesiniń meńgerýshisi Áıgerim Saǵambaeva.
Elordadaǵy Transfýzıologıa ǵylymı-óndiristik ortalyǵynyń derekterine sáıkes, ótken jyly donorlardyń basym bóligin er adamdar quraǵan. Bul shamamen 69%. Qan tapsyratyn áıelderdiń qatary azdaý. Donorlardyń denin 30-50 jas aralyǵyndaǵy adamdar, 13%-yn 50 jastan asqandar qurasa, qalǵan bóligi - 18-30 jas aralyǵyndaǵy azamattar.
«Donorlyqqa birinshi ret kelip turmyn, kóptegen adamdar tapsyryp jatyr. Qan tapsyrý - óte paıdaly is. Bir jaǵynan, azamattyq boryshym dep esepteımin. Az da bolsyn paıdam tısin degen nıetpen kelip otyrmyn. Barlyqtaryńyzdy qan tapsyrýǵa shaqyramyn» - deıdi donor Ahmet Shildebaı.
Qan tapsyrý úrdisi uzaqqa sozylmaıdy. Óziniń jeke ýaqytynyń sál bóligin bólý arqyly bireýdiń ómirin aman saqtap qalýǵa bolady, - deıdi mamandar.