Memleket basshysynyń Jarlyǵymen taǵaıyndaldy
Buǵan deıin Premer-Mınıstrdiń orynbasary qyzmetin atqarǵan Eraly Toǵjanov Aqtóbe oblysynyń ákimi bolyp taǵaıyndaldy, dep habarlaıdy Almaty-akshamy.kz.
Aqtóbe oblysy aýmaǵyndaǵy máslıhattar depýtattarynyń jınalysy búgin saǵat 14:00-ge bekitildi.
Kún tártibine Aqtóbe oblysynyń ákimin taǵaıyndaýǵa kelisim berý ǵana engizildi.
Aqqaǵaz Dosjanova atyndaǵy konferens-hollǵa eki kandıdat keldi. Olar - Premer-Mınıstrdiń orynbasary Eraly Toǵjanov pen Aqtóbe qalasynyń ákimi Asqat Shaharov.
Úkimet basshysy Álıhan Smaıylov máslıhat depýttattaryna eki kandıdatty tanystyryp, keıin olar óz baǵdarlamasyn usyndy.
Kandıdat Eraly Toǵjanov oblystyń áleýmettik-ekonomıkalyq damý kórsetishin arttyryp, kadr daıyndaý jumysyna basa mán beretinin aıtty.
Sonymen birge týrısik áleýetti damytý jobalaryn usyndy. Ári óńirde avtomobıl joldary sapasyn jaqsartý jobasyn aıtty.
Kandıdat Asqat Shaharov ta jol, kásipkerlik pen aýyl sharýashylyǵy salasyn damytý jolyn usyndy. Qala ákimi qyzmetindegi Asqat Shaharov eki jylda shaharda birqatar is qolǵa alynyp, sátti iske asqanyn basa jetkizdi.
Keıin daýys berýge kezek keldi. Ashyq daýys berý nátıjesi boıynsha 160 depýtattyń 104-i Eraly Toǵjanovtyń kandıdatýrasyna daýys berdi, al 56-sy Asqat Shaharovty tańdady.
Osylaısha Eraly Toǵjanov Memleket basshysynyń Jarlyǵymen Aqtóbe oblysynyń ákimi bolyp taǵaıyndaldy. Ol Qazaqstan Respýblıkasy Premer-Mınıstriniń orynbasary laýazymynan bosatyldy.
Aıta keteıik, ol 1963 jylǵy 13 mamyrda Batys Qazaqstan oblysynda dúnıege kelgen.
1988 jyly Qaraǵandy memlekettik ýnıversıtetin, 1994 jyly Qazaqstan Respýblıkasynyń Ǵylym akademıasynyń Memleket jáne quqyq ınstıtýtyn támamdaǵan. Mamandyǵy boıynsha biliktiligi — zańger.
Eńbek jolyn 1980 jyly Oral oblysy, Oktábr orman sharýashylyǵynyń jumysshysy retinde bastaǵan.
1988-2001 jyldary — Qaraǵandy memlekettik ýnıversıtetinde oqytýshy, QR Ǵylym akademıasynyń Memleket jáne quqyq ınstıtýtynyń dırektory, fakúltet dekany, Qazaq memlekettik zań ýnıversıtetiniń fılıalynyń dırektory.
2001-2006 jyldary — Qaraǵandy oblysy ákiminiń orynbasary.
2006-2008 jyldary — Qazaqstan Respýblıkasy Ádilet mınıstrliginiń Din isteri jónindegi komıtet tóraǵasy.
2008-2017 jyldary — Qazaqstan halqy Assambleıasy tóraǵasynyń orynbasary, QR Prezıdenti Ákimshiliginiń Qazaqstan halqy Assambleıasynyń Hatshylyǵynyń meńgerýshisi, QR Prezıdenti Ákimshiliginiń İshki saıasat bóliminiń sektor meńgerýshisi.
2017-2019 jyldary — Mańǵystaý oblysynyń ákimi.
2019-2020 jyldary — QR Kásipodaqtar federasıasynyń tóraǵasy.
2022 jylǵy 11 qańtarda QR Prezıdentiniń Jarlyǵymen Qazaqstan Respýblıkasy Premer-Mınıstriniń orynbasary bolyp qaıta taǵaıyndaldy.