Elordada Astana Media Week medıa aptalyǵy bastaldy, - dep habarlaıdy aqshamnews.kz tilshisi.
5–7 qarasha kúnderi Astanada Ortalyq Azıadaǵy eń iri medıa is-shara "Astana Media Week 2025" ótedi. Bıyl "Ultqa qyzmet etý – medıa mısıasy" taqyryby aıasynda medıa mamandar, halyqaralyq seriktester jáne memlekettik uıymdar jınalyp, oı qozǵaıdy.
Úsh kún boıy qatysýshylar úshin medıaetıka, derekti fılm, jasandy ıntellektpen jumys jasaý, ımıj qalyptastyrý, sıfrlyq komýnıkasıalar, data-jýrnalıstıka jáne jýrnalıserdiń biliktiligin arttyrý boıynsha plenarlyq jáne paneldik pikirtalastar, baıandamalar, jabyq pıchıng-jobalar men tájirıbelik sheberlik sabaqtar uıymdastyrylady.
Spıkerler qatarynda Euronews, Anadolu Agency, TRT Avaz Kanal, "Habar", "Qazaqstan", Atameken Business, NUR.KZ jáne Ózbekstan, Túrkıa, Eýropadan kelgen sarapshylar bar.
Arnaıy strımıng platformalar naryǵyna arnalǵan sesıalar da ótedi. Oǵan TV+, Kınopoısk, Unico Play, Birge TV, Freedom Media ókilderi qatysady.
Eki kún boıy medıaortalyq holynda 50 metrlik LED-ekranda "Astana Media Week 2025" Kontent-markety ótedi. Bul jerde jańa formattar men halyqaralyq kooperasıalar tanystyrylady. Kontent-market prodakshn-kompanıalar, dıstrıbútorlar men platformalar arasyndaǵy iskerlik kezdesýlerge arnalǵan alań bolmaq. Munda jańa ıdeıalar, pılottyq jobalar jáne Qyrǵyzstan, Ózbekstan, Qytaı men Qazaqstan naryqtaryna arnalǵan birlesken ónim jasaýǵa múmkindikter usynylady.
"Astana Media Week 2025" aıasynda eń belsendi qatysýshylarǵa arnaıy syılyqtar qarastyrylǵan. Jetekshi strımıng jáne medıamonıtorıng kompanıalary úzdik suraq qoıǵan qatysýshylarǵa jyldyq jazylym sertıfıkattaryn jáne Samarqanǵa sapar joldamasyn tabystaıdy.