Almaty qalasynda bílím beru ınfraqūrylymyn damytu boıynsha júıelí jūmystar ístelíp jatyr. Óńírlík kommunıkatsıyalar qyzmetíníń alańynda Almaly audany ákímí Arman Shamshın osylaı dep habarlady.
Audan ákímíníń aıtuynsha, Almaly audanyndaǵy 48 mektepte 39 182 oqushy bílím alyp jatyr. Onyń íshínde 30 memlekettík mektepte – 34 892, 18 jekemenshík mektepte – 4 290 oqushy oqıdy.
2025 jyly bírqatar írí jobalar júzege asyryldy:
* 1 500 oryndyq jańa jaıly mektep salyndy; (№216)
* 2 500 balaǵa arnalǵan «Shabyt» qosymsha bílím beru ortalyǵy ashyldy.
Qazírgí tańda №58 mektepke 600 oryndyq qosymsha ǵımarat salu jáne qaıta jańartu jūmystary júrgízílíp jatyr, olardy 2025 jyldyń jeltoqsanynda ayaqtau josparlanǵan.
Sonymen qatar 2025 jyldyń shílde aıynda №16 mektepke 300 oryndyq qosymsha ǵımarattyń qūrylysy bastaldy, ony kelesí jyly ayaqtau kózdelíp otyr.
2025 jyldyń tamyz aıynda №124 mekteptí jańǵyrtu jūmystary bastaldy, jobanyń ayaqtaluy 2026 jylǵa josparlanǵan.
Qosymsha №128, №134 jáne №135 mektepterín seısmıkalyq tūrǵydan kúsheıtu boıynsha jobalyq-smetalyq qūjattama ázírleníp jatyr.
Mektepke deıíngí bílím beru salasy boıynsha audanda 62 balabaqsha jūmys ísteıdí, onda 8 168 bala tárbıelenedí. Onyń íshínde 27 memlekettík jáne 33 jekemenshík balabaqsha bar, sonyń 28-í memlekettík tapsyrys ayasynda qyzmet kórsetedí.
Bıyl №13, №21, №43 balabaqshalar men memlekettík menshíkke qaıtarylǵan «Teremok» balabaqshasyn (Máulenov kóshesí, 57) jóndeu jáne seısmıkalyq kúsheıtu boıynsha qūjattama daıyndalyp jatyr.
Sonymen qatar №10 balabaqshany qaıta jańartu jūmystary júríp jatyr, ol 2026 jyldyń mausymynda ayaqtalady.
Tastaq yqshamaudanynda da 240 oryndyq jańa balabaqsha salu jobasy boıynsha konkursqa daıyndyq júrgízílude, nysandy 2026 jyldyń shíldesínde ayaqtau josparlanǵan. Būǵan qosa, audandaǵy 13 balabaqshada jóndeu jūmystary qolǵa alyndy.
Audan ákímdígí Almaly tūrǵyndary úshín sapaly bílím beru ınfraqūrylymyn damytyp, balalarǵa qauípsíz jáne jaıly jaǵdaı jasau baǵytyndaǵy jūmystardy júıelí túrde jalǵastyryp keledí.
